Durante di COVID-19 Departamento di Agricultura, Cria y Pesca Santa Rosa tabata un di e departamentonan cu a wordo mas bishita. E Pandemia a hasi hopi hende conciente di cultiva na mesun producto pa mesun consumo. Varios ta esnan cu a bishita nos pa asina cumpra e simiya of cualkier otro producto cu nos ta ofrece pa asina por cuminsa hasi algo di cultivo. Esaki debi cu kisas tabata tin mas tempo na cas pa por hasi algo otro. Varios di nos productonan a caba durante di e Pandemia. Esaki a hasi cu nos mester a restock bek pa asina sigui ofrece e mesun bon servicio di semper den compra di diferente simiya y of otro productonan.
Awor nos tin bek den stock diferente tipo di simiya di fruta y berdura na bo gusto pa yega y cumpra aki mes na Santa Rosa. Nos a ricibi tambe simiya di pinda cu semper ta masha bon pidi aki na Santa Rosa. Vitamina pabo mata di fruta y berdura tambe nos a caba di haya pa asina atende cubo cultivo sin problema alguno.
Pesey nos ta hasi un apelacion na bo cordialmente pa hasi nos un bishita y mira kico ta bo escogencia cu preferencia pa asina bo por tin un cultivo exitoso. No lubida bo por conta cu nos servcio y ayudo pa cualkier conseho con pa cuminsa cultiva den scalanan chikito of grandi.
Nos servicio ta di di dialuna pa diabierna for di 7or di mainta pa 12’or di merdia y di 1’or di merdia pa 3’or atradi. Por yama na telefoon 585-8102 of por manda un email na info@santarosa.aw y gustosomente nos ta cla pa yudabo.
