Durante un manifestacion reciente di descontento, e lider sindical di SEPPA, Magali Britto, a trece dilanti un mensahe fuerte dirigi na Parlamento y e gobernantenan di Aruba AVP-FUTURO. Britto a enfatisa cu e lucha actual ta tras di un derecho sagrado: e boluntad di un pueblo pa dicidi su propio futuro.
Un posicion firme contra e acuerdo actual
Como representante di e pueblo trahado , Sindicato SEPPA a presenta nan posicion formalmente y por escrito dilanti di Parlamento. E sindicato ta keda firme den nan posicion cu e acuerdo cu tin riba mesa na e momentonan aki no ta suficiente pa garantisa e bienestar y e interesnan di e pueblo trahado. Segun Britto, e descontento cu ta reina den e comunidad ta un señal cla cu e caminda cu ta wordo cana aworaki no ta esun corecto.
Bos di pueblo mester wordo scucha
E punto central di e discurso di SEPPA ta e necesidad pa e gobernantenan baha na tera y scucha kico e ciudadano ta pidiendo. Britto a reitera cu “bos di pueblo mester wordo scucha” y cu mester tin un respet profundo pa e deseo final di e comunidad. E ta considera esaki como un principio fundamental di democracia y un derecho di base cu no por keda ignora.
Yamada pa conciencia y cambio
E lider sindical a termina su declaracion cu un yamado na henter e comunidad di Aruba pa nan “tuma conciencia” di e gravedad di e situacion. Segun SEPPA, esaki ta e momento pa keda alerto y pusha pa e cambionan necesario cu e pais mester. E movemento di protesta aki ta sirbi como un muestra di e union y e determinacion di e trahadonan pa no entrega te ora cu nan bos haya e balor cu e merece den e proceso di toma di decision di Rijkswet HOFA cu no ta haya aprobacion di e pueblo Arubano.
