For di tur stad personanan tabata sali pa yega Rotterdam pa celebracion di Zomer Carnaval. Pa Orwin Gomes Rey di Zommer Carnaval e experiencia ta inolvidabel. Pa prome biaha tabata riba un carosa y e tabata un momento hopi bunita y un experiencia cu nunca lo lubida. E calor di e pueblo di Hulanda tabata bisto unda cu e personanan para canto di caminda tabata conecta cu bo y tabata bisa ayo y hopi persona kier saca potret y klap man, pa Orwin Gomes e energia tabata positivo.
Aunke cu tabatin un presion grandi na momento cu Hulanda a dicidi di pone un prohibicion di no por baila bulgar riba caya tabatin un poco tension, pero tog tabata mira cu e hendenan canto di caminda tabata gosa di e evento. Tambe ta tuma nota cu e famianan canto di caminda tabata splica e muchanan cu ta e generacion nobo di kico e parada ta y ken ta e Rey y Reina di e parada. Esaki ta un indicacion cu e tradicion di Zomer Carnaval ta sigui den e generacionnan nobo.
Aunke na cuminsamento tabatin basta negatividad unda cu a pone un restringcion cu no por baila cierto manera, esaki tambe a duna e parada un poco mas luz y a haci esaki mas grandi cu e Zomer Carnaval ta caba. Segun Orwin Gomes e la baila riba carosa pero a conecta tambe cu e publico y a baila abao pa asina intercambia cu e publico.
Un experiencia cu sigur no lo lubida y a sinti cu e keda trata como un Rey y Reina di berdad. Tambe tabatin e honor di por a bay stadhuis unda cu e burgermeester ta y na unda cu e cera conoci cu e burgermeester y a para den e balcon mas halto hunto cu e burgemeester di Rotterdam unda cu no ta tur hende por yega eynan y sigur e parti aki tabata un momento di honor cu por a para eynan un momento sigur hopi bunita den e trayecto aki, segun Rey di Zomer Carnaval Orwin Gomes.
Aunke cu tabatin momentonan bunita y dushi, na final a surgi momentonan mahos y sigur como Rey di Zomer Carnaval kier a manda un mensahe cu ta importante pa bebe madura y pa tur hende ta nan mes gosa di e momento, gosa di e Carnaval y no haci daño na otro, percura pa bo mes. Ta lamenta cu tabatin tiroteo, pero ta spera cu pa otro aña cosnan bay mas trankil y cu comunidad na Hulanda ta mas consciente cu nos tur a bin pa gosa di un dushi Zomer Carnaval y no pa haci daño na otro. Potret Zoraida Ridderstaat