Loke ta un realidad cu gabinete Wever Croes II a pasa un momento basta duro na momento cu pandemia a yega na porta di Aruba. Tabata decisionnan cu no tabata facil cu mester a atende y decisionnan crucial pa Aruba. Hopi di e decisionnan aki no tabata decisionnan cu hopi hende tabata gusta, pero nan mester a keda tuma pa por a mantene Aruba su cabes na awa y alabes percura pa cada ciudadano na Aruba ta bon riba e pida baranca aki. Un di e decisionnan cu a keda tuma ta e 12.5% cu a keda kita di ambtenaar nan na Aruba cu a yuda y duna di nan parti na esunnan mas vunerabel na Aruba. Awe por bisa cu tur e situacion amargo aki a pasa tras di lomba y tur ambtenaar a ricibi nan 12.5% bek y cu nan salario y beneficionan a normalisa. Minister Xiomara Maduro ta gradici tur ambtenaar cu a compronde y duna nan sosten na e proceso aki.
Tur salario a bay na 100% y tur ambtenaar lo ricibi nan vakantie geld 100% bek na juni awo
