Local

Ultimo fecha pa entrega documentonan ricibi e termijnbetaling di Arubalening pa periodo 1 2022‐2023

Dea..

Departamento di Enseñansa Aruba (DEA) ta informa cu e ultimo dia pa load up tur documento pa por ricibi e termijnbetaling di Arubalening pa periodo 1 2022‐2023 ta diahuebs 15 di september 2022 pa 11.59pm.

E pago di e termijnbetaling no ta bay automaticamente. E studiante mester haci peticion pa esaki y di e siguiente forma:

E studiante mester login den su Arubalening account. Ta haci esaki via di e Arubalening Portal riba website www.ea.aw.

Den e account ta bay na uitbetalingen y akinan ta load up e siguiente documentonan:
1. Prueba OFICIAL di (her)inschrijving di e aña escolar 2022/2023 di e scol cu studiante ta bishitando;

2. Prueba OFICIAL di e lista di cifra/transcript (studievoortgangsoverzicht) di aña escolar 2021‐ 2022;

3. Prueba di un seguro valido pa e aña escolar 2022‐2023. Esaki no ta conta pa studiantenan di Aruba.

Na momento cu tur tres documento ariba menciona ta na ordo lo aproba e uitbetaling y e studiante lo ricibi e pago di Arubalening riba e cuenta di banco registra cerca nos.

Si e documentonan no ta corecto of falta informacion lo desaprobra e peticion di uitbetaling. Ta pidi e studiante pa sigui e instruccionan den ‘reacties’ di e afgekeurde uitbetaling y load up e documentonan necesario y corecto.

Actualmente seccion Studiefaciliteiten en –begeleiding ta procesando e peticionnnan pa pago.

Esaki ta dura te cu dia 30 di september 2022. Si pa dia 3 di oktober 2022 no haya e pago di Arubalening por tuma contacto cu nos, via e‐mail arubalening@ea.aw.

Pa mas informacion por acudi na nos website ww.ea.aw y busca Arubalening (Portal) na letter Aden e alfabet menu. Tambe por sigui Departamento di Enseñansa na Aruba riba Facebook y/of Instagram page @EducationAruba pa keda na altura di tur informacion.

Related posts

Pastor Marcel Balootje: Halloween kico e ta, wega, idolatria, tradicion of fiesta satanico?

EA News Author

Pronostico di tempo valido te diasabra 29 di augustus 2020, 18:00 ora.

EA News Author

Prome Minister Evelyn Wever-Croes: E condicionnan den e landspakket ta ser tuma hopi na serio pa Gobierno di Aruba

EA News Author

Leave a Comment

Whatsapp Message