Corte recientemente a tuma e decision pa destrui e decision di Gobierno tuma dia 6 di september 2022, unda a dicidi di stop Richard Kramers di ocupa e posicion di reemplaso di e funcionario encarga cu mando di Bureau Guarda Nos Costa, entrante 8 di september.
Kramers no a acepta e decision aki y a entrega un obhecion dia 19 di september.
Corte mes a trata e obhecion aki dia 13 di februari ultimo. Pero a dicidi pa wanta tratamento di e caso aki te ora cu tin un decision di LAR, riba apelacion contra e negativo di gobierno di Aruba pa duna Kramers un declaracion di no obhecion.
Tur hende por corda cu Richard Kramers ta den servicio di KPA y e ultimo funcion cu e tabatin den cuerpo tabata e hefe di Unit Honden. Na augustus, 2020, Gobierno a dicidi di pone como hefe interino di GNC. Un luna despues Departamento di Recurso Humano a manda pidi un investigacion riba Kramers cerca Veiligheidsdienst Aruba (Veiligheidsdienst) den cuadro di e funcion di Hefe di servicio di Bureau GNC.
Casi dos aña despues e hefe di Siguridad Nacional, den nomber di Prome Minister, a dicidi di nenga di duna Kramers un VGB, mirando resultado di e investigacion. A dicidi di entrega un obhecion (augustus) riba esaki. Esey tabata na augustus. Den un conseho dia 7 di october Comision Supervision di Siguridad Nacional Aruba (CVTVD) a duna su conseho a keda cla y tabata cu e obhecion tin base. A bisa pa tuma un decision nobo teniendo cuenta cu tur loke nan a evalua (esaki no a bini dilanti den e caso).
Dies dia despues, den un decision riba e obhecion, Minister a dicidi di informacion cu e obhecion di Kramers dia 22 di augustus no tin base. Atrobe riba esaki Kramers a bay den apelacion.
Gobierno ta bisa cu VDA (Siguridad Nacional) a nenga di duna Kramers un VGB. Pa e motibo aki mester stop di inmediato e posicion cu e ta ocupa di director interino, mirando cu ta un funcion di confiansa.
Pero Kramers y su abogado ta bisa cu e funcion aki no ta uno di confiansa. Pa e funcion aki no por pidi un VGB y e hecho cu Siguridad Nacional a nenga di duna e documento aki, no por conduci na e decision di kit’e for di e funcion en cuestion. Ademas, nan ta bisa cu Gobierno a actua contra LVA, mirando cu a permitie traha dos aña largo den e funcion aki sin cu e tabatin e VGB. Ademas di e hecho pa stop’e di haci e trabou ey no ta na su luga, a base di e puntonan treci, e ta sufri daño financiero serio como tambe daño na su reputacion.
E punto den e caso aki no ta bay riba e posicion di hefe di e departamento aki, kende mester tin un VGB. Incluso di e articulo den ley cu ta papia di no ta referi na e posicion di un persona cu ta actua como suplente di un posicion di confiansa, esaki no ta nifica cu Gobierno, base riba e decision di no duna e VGB, por a tuma e decision aki den tur sentido rasonabel pa pone un paro pa ocupa e posicion di suplente. .
Corte a bisa cu na su luga Gobierno mirando interes di Aruba y e departamento en cuestion, mester tin un VGB. No por spera di Gobierno tampoco pa keda mantene un persona como suplente na e departamento siendo cu nunca e lo por wordo nombra den e funcion ey.
No ta importante e hecho cu a lague dos aña den e posicion di suplente sin e VGB. Ademas Kramers y su abogado no a splica pakico mester conclui cu Gobierno a actua contra LVA pa cual lo mester dicidi cu e por sigui como suplente.
No obstante, Corte ta mira motibo pa atende cu e obhecion y anula e decision pa cual a cuminsa e caso aki.
Corte a bisa cu e beroep di Kramers contra e decision di Minister encuanto e obheccion (17 di october 2022), tin base y ta destrui e decision di dia 17 di october, 2022. Corte ta bisa cu e decision pa nenga di duna Kramers un VGB no ta hustifica.
E ariba menciona ta nifica cu ta destrui tambe e decision di 6 di september, unda a nenga di dun’e e declaracion.
Sinembargo ainda Richard Kramers ta pensando si lo bay corte bek pa pone e cosnan mas street di loke nan ta caba.