E proyecto recien di mantencion y verf di casnan priva na San Nicolas, impulsa pa Prome Minister, a trece un debate urgente tocante e principionan di bon gobernacion na Aruba. Mientrastanto cu servicionan publico basico y infrastructura den barionan ta sufri di un falta di mantencion, e profetisacion di atencion gubernamental riba propiedad priva ta lanta dudanan huridico tocante e ilegalidad y e legitimidad di e uzo di recurso publico.
Un sistema di politica cu ta manera di Cuba e gobierno di AVP-FUTURO ta practicando , haciendo e pueblo dependiente di un Gobierno enbes di duna tools nan pa e ser humano bira independiente , un sistema politica socialismo , papia dushi y yena santo den wowo di hende, pero e efecto di e realidad, unda cu ta danja e mente di e hende, nos por mira con e otro Pais nan manera Cuba y Venezuela a bira , esaki ta loke nos kier pa Aruba? Esaki ta e rumbo cu AVP –FUTURO tin deseo pa e futuro kebrante pa Aruba? , pero na mes momento unda e placa di e pueblo ta bayendo ?
Den e cadena di maneho di fondo di pueblo, e principionan di transparensia y rendishon di kuenta ta central. E esencial di e discusion no ta e yudansa pero , sino e “base legal” y e “procedura administrativo” cu ta sostene e accionnan aki. Si ta trata di fondonan publico of personal bou di contract di gobierno, mester tin un base huridico cla pa e asignacion di e fondonan y e seleccion di e beneficiarionan. Sin un cuadro di maneho transparente, e accion aki por wordo considera como un violacion di e principionan di igualdad y e codigo di conducta pa mandatarionan.