Avenida Milo Croes/ Caya Papa Juan Pablo II – Diasabra algo pasa di 11:30 di anochi ta sosode un caso di boksmento ariba Avenida Milo Croes unda antes tabata Kooyman.
Ey nan un Hyundai Accent v-car luz paga lo a haci un U-turn dilanti un bus di Arubus, bayendo direccion Banco di Caribe.
Ey nan e parti drechi di Hyundai Accent a dal contra e bus, causando un daño enorme na e v-car y ya menos na e bus. Un monton di parti di e auto a gespart tur rond.
Asina mes e Accent cu 3 persona aden a drenta ex Rondweg cu velocidad halto y luz paga y a ta logra para esaki den e parkeerplaats di Fatima College. Altura di Town Dragon e bumper a keda atras y un bon ciudadano a entrega polis esaki, cu asina nan tawata por a haya sa ta ki auto e tawata.
Durante cu e tawata bayendo ariba den ex Rondweg e hood tawata colga na su banda drechi, y ta dal un palo di luz. Si tawata tin un of mas persona bayendo nan cas na pia, lo por a keda seriamente herida di e hood cu tawata colga manera un arma.
Departamento di trafico lo tin di tuma e caso nos a compronde durante dia, y na final a pidi takelwagen pa bay cu e auto for di e parkeer plaats di Fatima College.
