Un anochi di encuentro institucional a tuma luga na Quinta del Carmen, unda a organisa un kennismakingsreceptie pa presenta oficialmente e Vertegenwoordiger nobo di Hulanda pa Aruba, Curaçao y Sint Maarten, Gerbert Kunst. E evento a wordo coordina pa VNO cu e meta pa facilita conexion y dialogo entre e representante Hulandes y diferente sector di comunidad.
E tipo di encuentro aki ta sirbi como un plataforma pa fortifica relacionnan institucional entre Hulanda y e paisnan di Caribe Hulandes. Durante e recepcion, representantenan di sector empresarial, institucional y gubernamental ta tin oportunidad pa intercambia opinionnan y conoce e representante nobo di cerca.
Durante e actividad, nos redaccion a haya oportunidad pa combersa cu e Vertegenwoordiger Gerbert Kunst riba diferente tema actual cu ta dominando discusion publico den Aruba.
Discusion riba HOFA
Un di e temanan cu a sali na e conversacion tabata e discusion actual riba HOFA, cu recientemente a provoca debate politico intenso den Aruba. Durante e dialogo, a wordo puntra e representante Hulandes pa comparti su punto di bista riba e situacion y riba e conversacionnan cu ta tuma luga tanto den Aruba como den Hulanda.
E intercambio di opinion aki a forma parti di e dialogo amplio cu e representante ta busca mantene cu e diferente sectornan den e paisnan cu e ta representa.
Rol di Vertegenwoordiger
Como Vertegenwoordiger di Hulanda pa Aruba, Curaçao y Sint Maarten, Gerbert Kunst tin como tarea principal mantene contacto institucional entre Hulanda y e paisnan di Caribe Hulandes, facilitando comunicacion y cooperacion entre e diferente gobierno y institucionnan.
Segun organisadonan di e evento, encuentro manera esaki ta importante pa construi relacionnan di confianza y pa facilita dialogo continuo riba temanan relevante pa e region.
Banda di tur cos Vertegenwoordiger nobo di Hulanda pa Aruba, Curaçao y Sint Maarten, Gerbert Kunst tabata habri pa scucha y combersa y tabata habri pa prensa den un forma ameno pa combersa contesta tur pregunta di preocupacionnan cu tin den e comunidad di Aruba cu hopi biaha nan no ta consciente di dje.
