Ayera anochi alrededor di 7or a drenta un yamada di emergensia serka Rescue & Coordination Center (RCC) di Wardakosta ku e boto Fenix lo tabatatin problema ku motor. E boto lo tabata den serkania di Klein Kòrsou. Mesora RCC a saka e avion di Wardakosta pa bula bai na e sitio. A avisá Citro ku a sali mesora ku Braakman i Metal Shark tambe tabata na kaminda.
Un ratu despues e Dash a reportá ku e boto mester a yega na kosta di klein korsou i ku e tres tripulantenan lo a baha for di e boto. Na yegada di Braakman i Metal Shark a bin resultá ku un di e tripulantenan lo a kibra pia. Citro a duna promé asistensia i a transportá e víktima pa Caracasbaai unda ambulans tabata wardadó pa hib’e CMC pa trato mediko. E otro dos tripulantenan a keda hiba ku Metal Shark Parera. Sin duda un akshon di reskate eksitoso di un kombinashon di Wardakosta i Citro.
