Diasabra ultimo marduga Wardacosta a detecta un boto sospechoso riba lama. Mesora a activa Metal
Shark pa intercepta e boto cu tawata nabega rumbo pa Arashi. Na momento cu e dos
personanan riba e boto a tuma nota di autoridad, nan a purba huy y Wardacosta mester a los
tiro di advertencia pa nan para e boto. Na momento di interceptacion no a haya nada illicito
abordo. KPA a lanta helikopter y patruyanan di tera a mobilsa den e area pa controla. Awe
mainta helikopter di Wardacosta y di KPA a sigui buska den area y a bin topa cu algun ‘jerry
cans’ ta drief. E barco di Marine Real Zr.Ms. Holland, cu tawata nabega den becindario a saka e
‘jerry cans’ for di awa y a bin constata cu tawata tin droga den esakinan. E dos hombernan cu
tawata na bordo di e boto, 1 di nacionalidad Dominicano y e otro Venezolano a wordo entrega
na KPA y ta pendiente pa mas investigacion. E caso ta un bon cooperacion entre Wardacosta y
KPA.
Wardacosta lo sigui ku patruyanan intensivo riba lama y ta haña sosten di milisianan di
Aruba tambe pa asina efectua vigilancia 24 ora pa dia durante 7 dia pa siman. Alabes e
patruyanan ta vigila y proteha e fronteranan di transportenan di droga, traficacion di hende
y di arma. Na momento ku un habitante alerto mira un situacion sospechoso of peligroso
riba lama nan por yama Wardacosta riba e number 913. E number aki ta alcansabel di dia i
anochi.
