Parlamentario Xiomara Maduro a expresa su preocupacion profundo tocante e maneho di e gobierno actual den relacion cu e establecimento di un “Fondo di Inversion”. Segun Maduro, e structura di e fondo aki ta parce di ta falta transparencia y ta ser uza como un instrumento puramente político.
Segun Maduro, e manera con e gobierno ta dirigiendo e proceso ta lanta hopi pregunta, specialmente pasobra e ta parce di ta bypass e control necesario cu mester di tin pa maneha fondonan publico.
Problema di transparencia y control Durante su intervencion, e parlamentario a subraya e importancia di un bon evaluacion y transparencia den tur proceso cu ta envolvi placa di pueblo. Maduro a señala:
• Falta di transparencia: E fondo propuesto tin falta di e controlnan necesario cu ta garantisa cu placa di pueblo ta wordo uza na un manera responsabel.
• Instrumento político: Maduro a argumenta cu e fondo no ta necesariamente algo cu tin mester pa inversion, sino cu e gobierno ta us’e como un “tool político” pa esnan cu ta na cabes di e proceso.
• No ta sirbi e pueblo: E parlamentario a afirma cu e manera cu e presidente y e gobierno ta actua, no ta contribui na e bienestar di e pueblo di Aruba.
Preocupacion pa e futuro Parlamentario Xiomara Maduro a enfatisa cu, aunke inversionnan ta necesario, e falta di proyectonan concreto y e desorden den e maneho di e fondonan ta un peliger. E ta di opinion cu e gobierno ta busca manera pa cambia e uzo di e fondonan pa otro cosnan, den luga di enfoca riba prioridadnan real cu Aruba tin mester.
Segun Parlamentario Maduro “mi no ta diacuerdo e manera cu esaki ta wordo maneha, y es mas, no tin suficiente proyectonan concreto cla,” el a conclui, reiterando cu e lo keda vigila pa sigura cu placa di pueblo no ta wordo gasta pa campaña electoral of politicamente motiva.
https://www.tiktok.com/@farrahboekhoudt0/video/7658906941267315989