FADA ta traha hopi cerca cu cuerpo policial y na momento cu tin informacion concreto semper FADA cy KPA lo traha hunto. Sinembargo e ta un trabao cu ta bin di ambos banda di situacionnan cu nan ta ricibi cu FADA por cuminsa actua y tambe di informacionnan cu FADA ta ricibi cu por duna polis e caminda pa por actua. Segun Rulienne Arends di FADA scol tambe ta duna di su banda , pero loke cu principalmente cu ta duna un balor hopi fuerte ta e comunidad mes, cu na momento nan mira algo sospechoso y tin informacion concreto ta importante pa tuma contacto cu e tipline di polis pa asina por actua dibiaha. Falta hopi informacion riba separacion di marihuana recreacional y e cannabis medicinal. Te ainda hopi hende grandi y hoben no ta compronde y of no ta separa e dos diferencianan aki. Den e ultimo tres pa cuatro aña FADA ta haya hopi di e pregunta nan aki di e dos diferencianan aki bao di e hobennan cu ta pensa hopi biaha cu tur dos ta mes un cos.
Falta hopi informacion riba separacion di marihuana recreacional y cannabis medicinal bao di hobennan y adulto
