Komishon fiho di Parlamento di Enseñansa, Siensia, Kultura i Deporte, presidí pa sr. Gilbert Doran, a reuní ku e Inspektor General di Enseñansa di Kòrsou sra. R.L. Martina-Bitorina. Punto di agènda ku e Komishon aki tabata e relato ku a ser trahá di estado di nos sektor di Enseñansa “Staat van het Onderwijs 2019-2020”.
Sra. Martina-Bitorina a ser kompaña pa su koleganan sra. A van Zonneveld i
sra. N. Josephina di e Departamentu di Inspekshon di Enseñansa. Nan a duna e komishon un presentashon amplio i despues a deliberá riba e diferente konklushonnan.
