Den lòbi di Parlamento, sra. Ellen Maduro Jeandor, Presidente di Akademia Popular Errol Scoop “APES” i sr. Gilbert Bishop, Sekretario di e organisashon, a hasi entrega di e 12 resolushonnan di e siklo Papiamentu, Patrimonio Nashonal, e Lenga di Resistensia, na Presidente di Parlamento sra. Charetti America-Francisca den presensia di e vise Presidente di Parlamento sra. Corrine Djaoen-Genaro i miembro di Parlamento sr. Gilbert Doran i Hefe di Asuntunan Konstitushonal di Parlamento sr. Rick Trenidad. E diálogo Patriótiko di e siklo Papiamentu, Nashonal, e Lenga di Resistensia a keda organisá dor di e Akademia Errol Scoop. Presidente di Parlamento na su turno durante e evenemento di entrega di e resolushonnan sra. Charetti America-Francisca a gradisí e representantenan di e direktiva di “APES” pa a hasi e entrega di e resolushonnan na Parlamento i ku e órgano Parlamento lo traha pa nos dushi lenga Papiamentu.
