Djasabra último Tourism Corporation Bonaire (TCB) a organisá su promé Taste of Bonaire pa e aña akí despues di e pandemia.
E evento a tuma lugá den Parke Wilhelmina for di 6’or di atardi te ku 10’or di anochi. E ambiente tabata tremendo den estilo di Ban Topa.
Por a tuma nota ku e stèntnan di kuminda tantu lokal komo internashonal tabata bon bishitá. E agrupashon musikal Payola a deleitá e publiko presente, konhuntamente ku Brassband The Boys, DJ Marv i DJ Kiart.
Durante e anochi a duna rekonosimentu na Sunniva Manuel ku a risibí e titulo di First Runner-up di Miss Tourism World 2022 na Aruba i tambe na sr. Angelo Domacasse kende a risibí e titulo di Best Director Franchise of the World.
TCB por mira bèk riba un evento eksitoso i kier a gradisí tur esnan ku a partisipá na e promé Taste of Bonaire.
E siguiente Taste of Bonaire ta tuma lugá dia 6 di òugùstus 2022. Pa mas informashon por tuma kontakto ku sr. Angelo Domacasse via email na angelodomacasse@tourismbonaire.com òf na number di telefòn 717-8322.
