Rob Timmermans ta clasifica pa e World Games Chengdu, China 2025.Recien a drenta e noticia cu atleta di Karate Comite +84kg, Rob Timmermans a logra clasifica pa e World Games cu lo tuma luga na Chengdu, China den luna di augustus 2025. Esaki e la logra después di termina number 2 den e ranking mundial den su categoría di peso. Ultimo na e weganan Panamerican di Santiago2023, Rob a logra gana un medaya di brons pa Aruba den Karate.
E “World Games” ta un evento multi deportivo cu tambe ta pasa cada 4 aña, cu ta conta cu participacion di deportenan cu no ta participa na e Weganan Olimpico. Comite Olimpico Arubano ta felicita Rob e logro aki y ta desea tur tipo di exito na Chengdu, China 2025. #TEAMARU #TWG2025
