Directora di Gabinete di Minister Plenipotenciario di Aruba Joselin Croes LL.M/M.Sc a pone riba dialuna 30 di Juni un krans na ocacion di e Conmemoracion di e Abolicion di Slavitud na Rotterdam.
E ceremonia a tuma lugar na e monumento na Lloydkade na Rotterdam. E programa a consisti di varios discurso y canto y poesia. Orador principal tabata e burgemeester di Rotterdam Carola Schouten.
Banda di Aruba, tambe a pone un krans Minister Plenipotenciario di Curaçao Carlson Manuel, embahador di Surnam Rajendre Khargi, Consul General di Cabo Verde Gregorio Semedo, diputado di Provincia di Zuid-Holland Frederik Zevenbergen, diferente burgemeester di ciudadnan manera Schiedam, Capelle aan den Ijssel y Vlaardingen. Tambe cuerpo policial di Rotterdam y Institutonan di Enseñansa manera Hogeschool van Rotterdam y Universidad Erasmus a pone un krans.
E potretnan ta cortesia di Arubahuis