LIDER DI FRACCION PPA
Reunion di presupuesto supletorio di Pais Aruba a keda cancela pa asina Prome Minister atende cu e situacion cu tin den region riba loke ta trata barconan di guera di Merca den region. Besloten Bijeenkomst (BB) a tuma luga den parlamento unda cu prome minister Mike Eman a informa parlamento di e situacion y con gobierno tin pensa di atende cu e situacion .
E reunion tabata porta cera y e ta un reunion cu prome minister y tur e instancianan envolvi cu tambe tabata presente pa duna informacion. E noticia a cuminsa riba rednan social , pero despues tambe medionan Latino a cuminsa saca e informacion di loke ta pasando.
Lider di fraccion di PPA Otmar Oduber ta duna di conoce cu e informacionnan cu a ricibi como fraccion di PPA ta sinti cu gobierno ta actuando manera cu mester ta y e informacionnan necesario ta kere cu mester Sali for di un solo canal cu ta prome minister Mike Eman pa asina pueblo haya e informacion corecto di e trabounan cu ta andano y con Aruba mester prepara nan mes.
Fraccion di PPA por bisa cu tin un curason trankil cu gobierno di Aruba ta bezig , ta na altura y ta den contacto cu tur e instancianan y tambe madre patria Hulanda pa e actividadnan cu ta tumando luga. Fraccion di PPA tin tur e confiansa mirando e forma cu prome minister a bin papia y informa parlamento den un forma habri unda cu ta dunando atencion cu ta necesario y cu comunidad di Aruba lo keda informa na su debido momento.
LIDER DI FRACCION AVP
Lider di fraccion di AVP ta duna di conoce cu aunke cu e reunion di presupuesto di Aruba a keda para, e Besloten Bijeenkomst (BB) cu prome minister Mike Eman ta sumamente importante tambe. For di e prome reunion di tratamento di presupuesto supletorio por a mira e preocupacionnan y preguntanan cu a bin padilanti pa gobierno riba e situacion di barconan di guerra cu wowo riba Venezuela, pesey mes ta na su luga pa a duna parlamento informacion y ta importante pa parlamento ta na altura di locual ta andando. Sinembargo Lider di fraccion di AVP ta duna di conoce cu comunidad di Aruba por ta trankil mirando cu tur e canalnan di informacion ta den man di gobierno y na mes momento ta haciendo tur nan esfuerso hunto cu tur e diensten nan local y internacional pa asina parlamento y comunidad keda bon informa.
PARLAMENTARIO HENDRIK TEVREDEN
Fraccion di MEP ta sinti cu internacionalmente tin hopi informacion/noticia cu ta keda saca afo y na Aruba tin poco informacion di un situacion asina serio . Parlamentario Henrik Tevreden den e reunion di presupuesto a insisti riba prome minister Mike Eman pa duna parlamento informacion hunto cu su conseheronan. Aruba a pasa den un pandemia caba pero Aruba mester ta prepara pa cualkier escenario cu mester presenta. Lamentablemente ta sinti na mes momento cu gobierno a tarda pa reacciona pero a logra contesta tur e preguntanan principalmente si gobierno tin un “nota plan” prepara. Na mes momento e peticion di fraccion di MEP ta pa prome minister keda informa e comunidad di Aruba riba tur pasonan importante cu Aruba mester atende cu ne.