Gobierno di AVP -FUTURO ta haci mane Aruba a wordo maneha malo durante 40 aña, esaki no ta cuadra cu berdad y realidad di Pais Aruba

Parlamentario Mike de Meza ta lamenta cu gobierno di AVP -FUTURO
ta haci comosifuera ta hopi malo gobiernonan di Aruba a traha y dirigi
Pais Aruba malo, esaki no ta cuadra cu berdad y tampoco cu realidad.
Parlamentario Mike de Meza tabata bon cla cu Aruba ta e miho Pais den Caribe y sigur gobierno di AVP -FUTURO mester
duna un poco mas di respet y ta un poco mas orguyoso pa tur nos politiconan cu a traha y crea e Aruba cu nos tin awe, pero tambe respet pa e pueblo di Aruba pa e 40 aña cu a hiba Aruba unda nos ta awe danki na e autonomia y cu nos mes por a tuma nos decisionnan. Tambe loke cu nos no ta para keto riba dje ta cu Hulanda no a duna Aruba un trato husto durante di pandemia.