Durante un conferencia di prensa, parlamentario Endy Croes a expresa preocupacion riba e proceso di bidding pa bende jeffuel, gasolin y diesel na Aruba. Segun Croes, por tin un posibel escandalo den e manera cu e compra ta wordo maneha.
Croes a indica cu a manda preguntanan formalmente na Minister Arthur Dowers, pero te dia di awe no a ricibi ningun contesta. E parlamentario tambe a señala cu tin documentonan cu ta relata contractonan entre RDA y FMSA, cu por duna mas claridad riba e procedemento.
Segun Endy Croes, transparencia y responsabilidad ta fundamental den maneho di fondo publico, y cualkier falta di claridad por mina confianza di pueblo den e institucion gubernamental y international.