Na kaminda pa Tesalónika, den region di Masedonia (Gresia),
pa tuma parti na e reunion statutario anual di e Konseho di Atministrashon di e Asosiashon Internashonal di
Konsehonan Ekónomiko i Sosial i Institushonnan Similar (AICESIS), drs. Raúl Henriquez, direktor i sekretario
general di Konseho Sosial Ekónomiko (SER) di Kòrsou, a tene na Hulanda un almuerso di trabou ku prof. dr.
Kim Putters, presidente di e SER Hulandes.
E reunion a tuma lugá na e sede di e SER na Den Haag. Den un interkambio bilateral, ámbos a papia tokante
e último desaroyonan sosio-ekonómiko i institushonal den e dos paisnan di Reino Hulandes. Sentral den e
kombersashon tabata kon por aliniá mihó e prioridatnan di asesoramentu i desaroyo di konosementu entre e
dos entidatnan ku atenshon p’e retonan ku nan tin komun, pero tambe ku rekonesementu di e diferente
kontekstonan den kua ámbos konseho ta operá.
Henriquez lo sigui su biahe pa Tesalónika pa e reunion di Konseho di Atministrashon di AICESIS dia 30 di
yanüari próksimo, kaminda representantenan di konsehonan sosio-ekonómiko di diferente region lo reuni pa
diskutí e agènda internashonal di trabou di e asosiashon.
