Minister Plenipotenciario di Sint Maarten, S.E. Drs. Gracita R. Arrindell, recientemente a atende un recepcion diplomatico organisa pa Embajada di Mexico na Hulanda pa conmemora e di 216 aniversario di e Independencia di Mexico.
E recepcion a tuma luga na e residencia oficial di e Embahador di Mexico na Wassenaar y a reuni embahadornan, hefenan di mision, representantenan di organisacionnan internacional, huesnan di cortenan internacional, academiconan, miembronan di e comunidad diplomatico y miembronan di e comunidad Mexicano na Hulanda.
E evento a duna bon bini tambe na e Embahador nobo di Mexico pa Hulanda, S.E. Alicia Buenrostro Massieu, kende a presenta su cartanan di credencial na Su Majestad Rey Willem-Alexander dia 2 di september.
Den su palabranan, Embahador Buenrostro Massieu a resalta e amistad di largo plazo entre Mexico y Hulanda y a identifica oportunidadnan pa un cooperacion mas estrecho den areanan manera comercio, inversion, inteligencia artificial, cambio di clima, maneho di awa, energia, agricultura sostenibel, innovacion y semiconductornan.
E embahador a subraya tambe e importancia di multilateralismo, democracia, estado di derecho, e respet pa derecho internacional y e igualdi di genero.
E participacion di e Minister Plenipotenciario ta refleha e compromiso continuo di Sint Maarten cu e miembronan di e comunidad diplomatico na Den Haag y su interes pa fortalece relacionnan internacional y identifica oportunidadnan di cooperacion cu por contribui na e desaroyo social y economico di e isla.
E recepcion a brinda tambe un oportunidad pa reconoce e lasonan mas amplio entre Hulanda y e comunidad caribeño. E representacion di Sint Maarten den e evento aki a reconfirma e presencia activo di e pais den asuntonan diplomatico e internacional den Reino di Hulanda.
E Minister Plenipotenciario a felicsita Embahador Buenrostro Massieu y Embajada di Mexico pa e ocacion aki y a expresa su aprecio pa e invitacion pa participa den e celebracion.
Gobierno di Sint Maarten ta spera cu anhelo pa continua cu e contacto continuo cu Mexico y Embajada di Mexico na Hulanda, particularmente den areanan di interes mutuo manera turismo, cultura, educacion, comercio, innovacion, resiliencia di clima y desaroyo sostenibel.