ORANJESTAD, Aruba
Aruba One Happy Island Lions Club su proyecto SONRISA DI PASCO 2019 a resulta un exito y e muchanan y nan famia a keda masha contento cu e actividad aki. Nos slogan como club di servicio ta “Yuda Nos Yuda Esnan den Comunidad cu ta den Necesidad. Ta danki na nos colaboradornan y especial manera Alejandrina “Dientje” Hassell-Henriquez, e proyecto a wordo realiza. Pa e motibo aki den nomber di Aruba One Happy Island Lions Club Presidente Fellow Lion Junior Arends durante un evento special cu presencia di miembronan di e organisacion, a gradici Sra. Alejandrina “Dientje” Hassell- Henriquez pa a pone su hogar, tempo y talento disponibel pa e proyecto aki por a bira un realidad exitoso. Na varios ocasion y actividadnan di Aruba One Happy Island Lions Club, Sra. Dientje Hassell-Henriquez a bin ta duna su cooperacion. Comisario encarga cu Actividadnan di Servicio Fellow Lion Doris Lacle de Eugenio a haci entrega di e Certificado di Aprecio na Alejandrina Hassell- Henriquez den presencia tambe di Vice Presidente Fellow Lion Eugene Dubero y Secretario Fellow Lion Carolina Croes. Hopi danki y nos ta sigui conta cu e bon cooperacion.
Danki pa pone su hogar, tempo y talento pa e proyecto Sonrisa di Pasco 2019 por a bira un realidad
![&Quot;Aruba One Happy Island Lions Club A Duna Reconocimento Na Alejandrina Hassell- Henriquez&Quot; 153 3E6A87861](https://earubianonews.com/wp-content/uploads/2020/02/3E6A87861-755x600.jpg)
![&Quot;Aruba One Happy Island Lions Club A Duna Reconocimento Na Alejandrina Hassell- Henriquez&Quot; 154 3E6A87931](https://earubianonews.com/wp-content/uploads/2020/02/3E6A87931-800x580.jpg)
![&Quot;Aruba One Happy Island Lions Club A Duna Reconocimento Na Alejandrina Hassell- Henriquez&Quot; 155 3E6A85671](https://earubianonews.com/wp-content/uploads/2020/02/3E6A85671-416x600.jpg)