PoliticaFeaturedLocal

Aruba tabata riba bon caminda prome cu covid y nos lo bolbe riba e bon caminda ey cu fe y determinacion

Premier Evelyn

ORANJESTAD, Aruba

“Aruba tabata riba e bon caminda prome cu Covid a dal y cu e mesun fe y determinacion, nos lo bolbe bek riba e bon caminda ey. Covid a kibra nos economia y sin ayudo nos lo no sali afo. Pero cu ayudo temporal, durante un fase transitorio, nos lo ta bek riba e bon rumbo, cu nos tabata prome cu Covid a dal”, Premier Evelyn Wever-Croes a expresa.

Aruba a cuminsa bira mas sigur, criminalidad a cuminsa baha. Aruba a haya su propio helicopter y a pone prome piedra pa e radar. Asina nos ta controla nos costanan miho. Ademas a inverti den ekipo y material pa Cuerpo Policial y por sinti un siguridad mas grandi cu antes.

A baha e tarifa di loonbelasting y inkomstenbelasting pa tur ciudadano y a baha e prima di AZV pa pensionadonan.

Tambe a aumenta e pensioen di biehes y e reparatie toeslag.

Aparte di esaki e sueldo minimo a wordo aumenta y a aumenta control den supermercadonan riba productonan di canasta basico. Tur supermercado ta wordo controla tur luna. Esaki tin como meta pa aumenta e poder di compra.

Nos turismo a crece, nos economia a crece y nos desempleo a baha. Esaki a duna evaluacion positivo di IMF, S&P y Fitch.

Nos a cera aña 2019 cu un surplus di 4 miyon florin y pa e aña aki tabata tin un surplus di 40 miyon florin proyecta. Ambos resultado ta mas cu locual ta e norma cu Hulanda a impone. 5 aña prome Aruba a conoce un deficit di 400 miyon florin y awor, 5 ana despues, Gabinete Wever-Croes a logra transforma e deficit di 400 miyon florin den un surplus di 40 miyon florin.

“Aruba tabata riba e bon caminda prome cu Covid a dal y mi tin tur confiansa cu pronto nos lo ta riba e bon caminda atrobe, cu e mesun fe y determinacion cu semper nos pueblo a demostra”, Premier Evelyn Wever-Croes a finalisa bisando.

Premier Evelyn Scaled

Related posts

Minister Maduro di cultura ta reconoce e trabou pionero di sr. Peter Scholing pa haci Coleccion Aruba un realidad riba www.coleccion.aw

EA News Author

Parlamentario Endy Croes: Programa di MEP ta cla

EA News Author

Dia mundial di seguridad pa consumo di cuminda, 7 juni 2023

EA News Author

Leave a Comment

Whatsapp Message