Manera nos tur sa tin diferente cambionan climatico cu ta tumando luga den full mundo, na Aruba no ta un excepcion. Si mira e desaroyonan internacional y principalmente den Caribe henter mundo ta preocupa cu e desaroyo di clima y medio ambiente. Bao di awa tin retonan , riba tera tin retonan , pero den shelo tambe tin su retonan y e naturalesa den e parti aki tambe tin su exigencianan.
EA news a combersa cu vice president di Space and Nature Aruba Foundation (SNAF) Jermio Maduro y ta duna di conoce cu tin diferente desaroyonan cu ta tumando luga , pero uno cu sigur ta di preocupa y cu hasta ta stroba e astronomonan di haci nan trabao ta e Light pollution.
Light pollution ta uzo di luz excesivo cu ta haci cu e shelo ta bira cla y ta perde bista di e shelo, pero e ta haci efecto psicologico riba hende y e animalnan. Un ehempel ta e turtuganan , por bisa cu antes e lama tabata mas cla cu tera, e tera mester ta scur y e turtuganan ta core bay lama, pero na e momentonan aki enbes cu e turtuganan bay lama debi cu tin un cantidad grandi di luz cu nos como serhumano ta uzando e turtuganan ta bin tera cu consecuencia cu auto ta pasa riba nan.
Parhanan cu normalmente tin cu migra of reproduci nan mes full e siglo ta keda stroba y cu consecuencia cu tin parhanan cu no ta yega na Aruba mas. Loke ta un realidad ta cu tin hopi bestia cu ta bin di afo y yega Aruba pa nan reproduci nan mes, pero na e momentonan aki esaki no ta sosodiendo mas awo.
E proceso aki tin diferente manera pa wak, segun vice president di Space and Nature Aruba Foundation (SNAF) Jermio Maduro, un di e preguntanan ta pa kico nos kier luz rond di nos cas? Esaki ta pa siguridad pa nos mes unda cu cada cas ta pone hopi luz , pero loke cu ta un realidad ta tambe cu hopi biaha ta pone e luz nan na un manera robes.
Na momento cu ta uza luz kier pa e lusa tera, pero nos tin e custumber di pone luz cu ta lusa tur caminda, esey ta pone cu ta lusa no solamente unda cu tin mester, pero tambe si e serhumano ta para leu y tin asina un luz grandi y kier wak kico ta pasando na banda bo no lo por debi cu e mes un luz unda cu e serhumano a pone pa e mes wak ta pone cu no por wak, esaki ta puntonan cu e serhumano no ta para keto y tene cuenta cu ne cu enbes di yudabo nan ta strobabo, segun vice president di Space and Nature Aruba Foundation (SNAF) Jermio Maduro.
Sinembargo daño den shelo e no ta haci directamente, pero si e astronomonan no por vigila y controla y alabes aprecia e movecionnan cu tin den shelo door di e Light pollution. Na mometo cu mester saca potret di loke ta pasando den nos shelo y controla e satellite.
