ColombiaFeaturedInternacional

Caluroso Bon Bini na Jordan Schlipken- Croes Director nobo pa A.T.A. Latino America

Ata Colombia 2

Recientemente a tuma lugar na Bogota, Colombia, e despedida di Miriam Dabian como Directora di Oficina di Turismo Aruba pa Latino America. Na mes momento a haci anuncio oficial di Jordan Schlipken- Croes kende lo ta e Director nobo pa dicho mercado.

Despues cu Jordan a termina su Master’s Degreena Spaña na 2017, Jordan a cuminsa traha na Oficina di Turismo na Bogota, Colombia como Marketing Specialist manejando asina 6 mercado (Colombia, Chile, Peru, Venezuela, Argentina y Brazil)como tambe tabata encarga pa crea e plan di mercadeo pa 2018 y 2019.

Na 2019 Jordana haña e oportunidad pa bay traha na Panama pa TCC Global como nan Regional Project Manager representando asina Latino America. Como un persona dedica y disciplina na su trabao, el a haña e oportunidad pa crece y ocupa e puesto di Business Development Manager pa Centro y Latino America. Na october 2021 Jordan hunto cu su esposa Margarita amuda bek pa Bogota, Colombia y a bolbe uni su mes na Oficina di Turismo Aruba den e posicion di Business Development Manager pa Latino America.

Desde Jordan su regreso na Oficina di Turismo, el a crece hopi como persona y den su carera profesional, pero tambe a encontra su mes cu varios reto. Un di retonan cu Jordan a encontra su mes cu ne tabata e encargo pata e director nobo di Oficina di Turismo Aruba na Colombia. Un cargo cu ta bin cu su responsabilidad, pero sigur uno cu Jordan lo sa di ehecuta cu dedicacion y disciplina manera semper el a bin ta haci den tur su funcionnan. Como Director di A.T.A. Latino America, Jordan tin e tarea pa supervisa full e mercado di LATAM como tambe mantene relacionnan estrecho cu stakeholdersnan di A.T.A. den e region. Jordan lo bay maneha un team cu miembronan hoben y expertonan pa asina posiciona Aruba como un destinacion top den Latino America.

CEO di Aruba Tourism Authority, Ronella Croes, tabata presente pa personalmente anuncia y desea Jordan tur clase di exito cu e reto nobo aki den su carera; “Jordanta un hoben determina y cu gana di sigui inova. E solo hecho cu Jordan a dicidi di studia na Colombia, ya caba a distingui su mes. Jordan, nos ta desea bo hopi exito, hunto cu bo esposa Margarita. Aunque cu Miriam lo bay, nos ta contento di sa cu nos oficina na Colombia ta keda den bon man y kier a recordabo cu nos ta aki pa apoyabo y yudabo den e proceso bodilanti”.

Den nomber di Aruba Tourism Authority na Aruba, Latino America, Merca y Europa nos kier a desea Jordan tur clase di exito cu e reto nobo aki, nos ta sigur cu e lo sa di eherce e funcion cu tur responsabilidad.

Ata Colombia 1Ata Colombia 3Ata Colombia 4

Related posts

E di dos edicion di Hoben Activo Hoben Feliz ta bay cuminsa

EA News Author

Sondeo na Aruba encarga pa Accion 21 nomina na e prestigioso premionan Reed Latino

EA News Author

Minister di turismo conhuntamente cu ceo di Aruba Tourism Authority a duna un presentacion na un grupo di delegados di st. Maarten, Curacao y Suriname pa un cooperacion entre e paisnan

EA News Author

Leave a Comment

Whatsapp Message