LocalFeatured

Diferente estudio haci a constata cu Aruba su lama y rif di coral ta den un estado no optimal y no por mantene nan mes

Diferente Estudio Haci A Constata Cu Aruba Su Lama Y Rif Di Coral Ta Den Un Estado No Optimal Y No Por Mantene Nan Mes

Sietske van der Wal Inter Marin Park Manager y Conservation Education manager di Fundacion Parke Nacional Aruba FPNA  ta encarga cu e parti di investigacion di coralnan di Aruba den e proyecto di “Turning the Tide “ E proyecto aki ta wordo subsidia door di fondonan Europeo hunto cu universidad di Hulanda y Aruba , FPNA y ScubbleBubble.

 Inter Marin Park Manager y Conservation Education manager di Fundacion Parke Nacional Aruba FPNA  ta duna di conoce cu actualmente ta focus riba e restauracion di coral, esaki ta encera cu lo pone diferente rif artificial den nos lama nan pa asina trece bek un poco di structura bao di lama. 

Actualmente e lamanan di Aruba ta hopi degrada y door di esaki mes falta e structura bao di lama, pero tambe  e no ta atrae e piscanan y consecuencia di esaki ta cu lo tin menos pisca y door  cu  tin menos pisca cu mester mantene e rif nan di Aruba limpi di alga e situacion bao di lama ta bira di preocupa y  door di e situacion aki mes ta haya menos oportunidad pa coralnan nobo crece. 

Segun Sietske van de Wak un di e solucionnan ta pa crea e structura di coral bao di lama. E proyecto aki di  “Turning the Tide “ ta bay inclui cu lo pone diferente structura artificial bao di lama. Lo bay haci test cu dos tipo di modelo pa asina por mira si e dos testnan aki ta efectivo y lo haci hopi sondeo prome, na e momento y despues cu a pone e coralnan. Pa cu e rifnan artificial ta uza materialnan di construccion pa crea e structuranan bao awa manera cu e ta un coral. E ta un proceso special y no cement manera nos ta uza riba tera. 

Di e manera aki por midi e efecto di e structuranan aki bao di awa. Na momento cu e keda prueba cu e modelonan scogi ta funciona na Aruba tambe lo sigui cu esaki. Tin modelonan cu ta structuranan di hero cu ta conecta cu otro ta prueba caba di funciona na diferente areanan unda cu nan a cuminsa cu ne na Indonesia, pero tambe e otro structura cu ta un structura di beton cu tin buraconan den dje tambe unda cu tin formanan y hogarnan cu e piscanan tin mester ta prueba na Kenia cu a funciona, pero esaki a funciona den otro tipo di temperaturanan di lama pero no den Caribe, sinembargo Aruba lo haci e test nan aki si den e lama di Caribe e dos modelonan aki ta funciona.  Na momento cu e resultado sali positivo den e mes un proceso aki Aruba ta siñando kico tur e modelonan aki ta trece cu ne y lo siña e truco nan tambe rond di henter e proceso y si e ta funciona lo por keda haci esaki den terminonan mas largo pa Aruba.  

Henter e proceso aki ta un proyecto piloto unda cu lo pone 24 structura di coral bao di lama cu lo ta 8 den cada area protegi den costa zuid di Aruba. Mester ta bon cla cu esaki ta dies un proyecto piloto y na momento cu pone esaki den funcion lo bay mira e ora si e ta funciona pa nos aki den Caribe. Na momento cu haya sa e resultado di e proyecto piloto aki si e ta funciona pa Aruba lo sigui bay mas amplio y si e no ta funciona lo mester busca otro alternativanan pa Aruba. 

Segun  Sietske van der Wal Inter Marin Park Manager y Conservation Education manager di Fundacion Parke Nacional Aruba FPNA  riba e structuranan cu lo bay pone den lama lo pone dos tipo di coral riba nan cu ta elkhorn corals y stekhelles corals cu ta e dos coralnan cu ta mas afecta rond mundo. E proyecto di “Turning the Tide “ a cuminsa mirando cu tin diferente estudionan cu a keda haci prome cu lamanan di Aruba y e rifnan di coral ta degrada y ta den un estado no optimal, esaki ta significa cu nan no por mantene nan mes den un manera sostenibel mas. 

Related posts

Proyecto “Hunto Grandi, Grandi Hunto” a percura pa october ta e luna “GRANDI” pa 60+ nan na Aruba

EA News Author

Parlamentario Arthur Dowers : Ta pidi un analisis independiente riba 4 aña di Socialcrisis plan

EA News Author

Jan Helmond Rijksvertegenwoordiger interino di Boneiro, Sint Eustatius y Saba cu desicion nan riba publikashon di desishonnan di gobièrnu

EA News Author

1 comment

Leave a Comment

Whatsapp Message