Dia 1 di sèptèmber Kolegio Ehekutivo di Entidat Públiko Boneiru a presentá e Diseño di Presupuesto 2025 na Konseho Insular i e Kolegio di Supervishon Finansiero (Cft).
Un presupuesto ta e plan anual di gobièrnu den kua tin pará kuantu sèn ta disponibel i na kiko ta gasta esaki. E ta forma parti di e asina yamá Siklo di Planifikashon i Kontròl (Planning & Control-cyclus – P&C-cyclus). Ku esaki Entidat Públiko Boneiru ta wak padilanti, traha plan i splika kon ta hasi uso di e sèn.
E diseño di presupuesto pa aña 2026 ta balansá. Nan ta duna tambe un balotashon di e balansa finansiero pa aña 2027, 2028 i 2029.
E plannan ta konektá ku e programa di gobernashon “E diferensia – Hustu i Sostenibel.” E énfasis ta riba:
• fortifikashon di salubridat públiko, entre otro ku lantamentu di un propio GGD;
• invershon den enseñansa, deporte, kultura i bienestar di bestia;
• un vishon pa tráfiko i transporte ku ta tene kuenta ku peaton, hende ku ta kore baiskel i transporte públiko;
• i un mihó servisio na nos habitantenan.
Ku e diseño di presupuesto Entidat Públiko Boneiru ta pone pasonan klarito den direkshon di un Boneiru hustu, sostenibel i resiliente pa futuro. Den e periodo binidero Konseho Insular ta deliberá tokante e presupuesto i despues ta stipulá esaki ofisialmente.
Por tira un bista den e Diseño di Presupuesto 2026 via : Presupuesto 2026.
Bo ke sa mas tokante e rumbo i e prioridatnan di nos gobièrnu? E ora ei lesa tambe e Programa di gobernashon
