InternacionalBonaire

Entrante yüli por pasa èksamen pa reibeweis atrobe

KRALENDIJK, Bonaire

Entrante 6 di yüli awor por pasa èksamen práktiko pa reibeweis ku tabata kanselá pa motibu di COVID-19. Ta trata èksamen pa reibeweis B, C, D, i E  ku ofisina di reibeweis a kanselá for di 17 di mart di e aña akí bini ariba. A kanselá e èksamennan pasobra na e ofisina no por a garantisá distansia sosial di 1,5 meter entre e hende ku tin ku saka reibeweis i esun ku ta enkargá ku e èksamen. Awor ku a suavisá e medidanan relashoná ku COVID-19 ofisina di reibeweis por habri atrobe.

 

For di 13 di yüli 2020 por pasa èksamen di reibeweis teorétiko. Ta trata di èksamen ku ofisina di reibeweis a kanselá na luna di mart.  Personanan ku ke inskribí pa pasa èksamen di teoria i práktika pa reibeweis, por hasi esei entrante 3 di ougùstùs.  Pa por pasa e èksamennan akí, un hende mester ta registrá na Asuntu Sivil. Ofisina di reibeweis no ta traha ku lista di preferensia òf urgensia pa hende ku ke pasa èksamen. Pa e ofisina tur hende tin derecho riba trato igual.

 

Tin regla pa hende ku a saka nan reibeweis na Boneiru i awor ke bai biba na Hulanda i kambia nan reibeweis pa unu hulandes. Na Hulanda lei ta stipulá denter di kuantu dia esaki ta posibel.Pa por kambia e reibeweis di Boneiru na Hulanda, un hende mester tabatin aloménos 185 dia bibá na Boneiru despues ku el a saka e reibeweis na Boneiru. Esaki ta reglá den artíkulo 44 insiso 2b di e asina yamá ‘Reglement Rijbewijzen’ di Hulanda.

 

 

 

Related posts

16 partido ta firma deklarashon di intenshon Bibienda pa gruponan di enfoke vulnerabel

EA News Author

Bonai y Terramar museum ta firma un acuerdo di cooperacion

EA News Author

Awor dokternan di cas por manda recept den forma electronico

EA News Author

Leave a Comment

Whatsapp Message