Ex minister di turismo Dangui Oduber ta indica cu e negociacionnan cu Schiphol Group a pega na momento cu tin asina hopi exigencia. Segun ex minister di turismo e exigencianan tabata cu nan no ta diacuerdo pa nombra un CEO local, tambe tabata kier aumenta e fee nan cu AAA ta paga nan pa e servicionan cu nan ta ofrece y nan kier e fee nan aki ta dobel di loke ya caba nan ta wordo paga. Tambe un di e exigencianan ta pa tin un puesto den e hunta di supervision AAA cu Gabinete Wever Croes no a ni considera e parti aki debi cu nan o ta shareholder.
Segun ex minister di turismo con por ta posibel cu bo no ta shareholder y kier exigi pa ta den hunta di supervision. Asina e negociacionnan a pega unda cu Schiphol Group no kier a bay diaguerdo cu e condicionnan cu a ser poni pa nan y asina tambe gobierno tin hopi dificultad pa cumpli cu nan y asina final di aña 2024 a dicidi di manda un carta cu nan ta zeg op e contracto.
Despues di esaki a trata di yega na otro un biaha mas pero lamentablemente no a logra y nan no kier sigui cu e relashon cu Pais Aruba. Ex minister di Turismo Dangui Oduber ta indica cu awo cu tin un gobierno nobo y por mira cu e gobierno actual ta laga nos yiunan di tera cay paso a scoga pa un persona di afo pa maneha Aruba su aeropuerto.
Sinembargo mester bisa cu despues cu Schiphol Group a bay y cu COVID a bin e la keda maneha door di Arubianonan y e añanan aki ta e miho añanan di Pais Aruba. Esaki ta muestra cu nos tin Arubianonan capacita cu por maneha e aeropuerto. Na mes momento ex minister Dangui Oduber ta duna di conoce cu e ta sinti cu e gobierno di AVP –FUTURO nan si lo kier cumpli cu tur e condicionnan cu Schiphol ta desea sin laga nan cumpli cu e condicionnan pa Aruba. Esaki ta di lamenta mirando cu si Schiphol kier pa Aruba cumpli cu tur nan condicionnan , nan tambe mester cumpli cu e condicionnan di Aruba. Di e forma aki ta dificil pa negosha cu un partido cu kier dies impone cu nan condicionnan y ora bo no ta bay diaguerdo cu nan condicionnan nan ta menasa cu nan lo bay. Segun ex minister di turismo kier a yega na un acuerdo , pero condicionnan di Aruba mester keda respeta.