Nos Aruba y su historia politico
Henny Eman
Jan Hendrik Albert Eman, Henny Eman a nace dia 20 di Maart 1948 y tabata un politico y lider di partido AVP y tambe e prome Prome Ministro Presidente di Aruba ( 1986-1989)
Henny ta bin di un cuna politico y su welo tambe yama Henny Eman a funda e partido AVP y su tata Shon A Eman tambe tabata lider di partido AVP.
Na un edad hopi jong Henny a bandona Aruba y bai studia ley na Leiden Hulanda.
Henny Eman su tata Shon A a fayece repentinamente na aña 1967. Henny como ruman mayor a cuminsa yuda cu mantencion di su famia y cu ayudo di conocirnan tabata maneha un cafe “ het Keizertje” na Hulanda. Na Aruba tambe a logra habri “Emans en Co” cu despues a bira EMCO un negoshi dedica na imprenta.
Na aña 1977 Henny a interumpi su estudio y a bin biba na Aruba y asina rescata partido AVP cu tabata bayendo den un abismo politico.
Cu e eleccion di aña 1985 Henny ta logra hopi voto y ta haya oportunidad di bira Informador / Formador y asina ta traha un cualicion di varios partido.
Henny Eman tabata e Prome Minister y tabata encabesa e Gobierno
1986-1989 Gabinete Henny Eman 1
1994-1998 Gabinete Henny Eman 2
1998-2001 Gabinete Henny Eman 3
Henny Eman na 1990 a haya e reconocimento como Ridder in de Orde van de Nederlandse Leeuw
Compila pa Roberto G. Croes
Nos Historia Nos Herencia