EconomiaPoliticaFeatured

Ex Prome Mnister Nelson Oduber : Mi a keda asombra cu loke ATIA a bin cu ne y mi a expect cu nan lo a bin cu un pensamento con hunto nos por yuda Aruba

Ex Prome Minister Di Aruba Nelson Oduber

Nel Oduber tabata ex minister di pais Aruba y a biba hopi den e mundo politico. E ex prome Mnister ta sigui e desaroyonan cu tin na Aruba di serca y entre nan ta e situacion economico di Aruba. ATIA a haci un publicacion cu a sorprende e ex mandatario mirando cu COVID a sorprende no Aruba so pero mundialmente.

Esaki ta trece cu ne si berdaderamente e comerciantenan ta wak solamente te na porta di nan negoshi of nan ta wak henter e pais y e ser humano cu sin dje no tin desaroyo. Si mester mira loke cu prome mnister di finansa a declara y e ayudo cu gobierno a duna te na e momentonan aki e ta un nesesidad pa nos como ser humano yuda otro y den esaki nos tur como ciudadano mester tin comprencion. Segun Ex prome Minister ATIA no por kere cu gobierno mester sinta riba nan stul., abo como ATIA mester tin creatividad ,abo tin negoshi, abo ta gana placa semper y abo como ATIA mester por wak den un tempo dificil con abo por manobra y no expect pa gobierno bin bisabo con ta run bo negoshi , un ta gobierno a inventa e pandemia aki segun ex politico Nelson Oduber.

Si mester mira mundialmente cuanto pais ta pasa den hopi problema y cuanto hende ta perde trabao , ami como ex prome minister ta kere cu ta un acto noble di gobierno pa keda yuda no solamente e trahado, pero e comerciante tambe, pasobra den un pais nos tur mester di otro , bo mester di e gobierno, trahado, parlamento , comercio y e gremionan pa asina yega na un acuerdo.

Loke ta hopi straño segun ex prome minister Nelson Oduber cu na e momentonan aki nan ta puntra pa gobierno , pero mi ta puntra mi mes unda abo como ATIA tabatata di 2009 ora cu a haci tantisimo debe, abo como ATIA nunca no a puntra bo mes cu si un gobierno deuda un pais pa 25 aña cu proyectonan manera hospital, PPP proyectonan , abo como ATIA no a puntra bo mes con ta genera e placa ? con nos lo paga bek e debe di un periodo cu ta mara seis gobierno minimo y despues di esaki ainda ta keda paga debe un BLV y un hospital mal construi.

Ex prome minister ta kere cu ATIA mester asumi su responsabilidad , sinembargo ta kere si y gobierno a bisa diferente biaha di locual cu mi ta lesa y tende cu cantidad di experto lo a yudanan di kico por wordo haci pa Sali afo , kico ta e abilibidad y creatividad pa yuda saca Aruba padilanti. Sinembargo loke por mira cu merca ta bay drenta den e temporada frieu , si Aruba mantene su mes na e reglanan y tur hende tin nan mondkapje y bay menos den publico Aruba por sali padilanti. Hotelnan pa e temporada di frieu na merca nan ta yegando casi 50% y pa November/ December  Aruba lo por lanta y mester duna nos mes como pais uno pa dos anja cu turismo draai un poco mas miho, pero no expect si milager, segun ex minister di Aruba Nelson Oduber.

Sinembargo por mira cu gobierno ta asumi su responsabilidad pa yuda tanto cu ta posibel y ta di lamenta loke cu por a mira cu a keda publica. Eleccion ta na caminda y lo bin tur sorto di triki , hende nan cu nunca a papia diripiente ta sali afo., pero abo mes como comerciante kico abo mes por mira cu por wordo haci pa Pais Aruba pa asina cada un di nos di nos mes duna un contribucion na Aruba pa bo Pais por sali dilanti. Ex prome Minister Nelson Oduber ta kere cu hopi hende na Aruba no ta consiente di e problema aki na hulanda mes a keda anuncia probablemente mondkapje mester keda uza pa 2 anja despues di COVID19.

Tambe ta mira cu e efectonan cu e tin ariba nos comunidad cu ta efecto sycologico , efecto pa e persona cu a perde su trabao , e situacion familiar na cas y mi ta sugeri cu gobierno mester por haci su esfuerso pa e ciudadano por pone un pida pan riba mesa tanto cu ta posibel pa purba yuda e trahado, pero abo tambe como un comerciante yuda mas cu bo por y ban ser mas activo pa por mira con anos den un tempo dificil lo por sali afo.

Gobierno mes ta consiente cu mester yuda den tur sentido di palabra pa asina poco poco nos tur carga e responsabilidad pa asina e dolor ta un tiki menos pa nos cada un. No tin nada mas importante cu tur caminda cu por yuda pa e negoshi no sera y pa e mantene e trahado y abo ta contrubui y tambe gobierno ta asumi su responsabilidad bo mester haci esaki , e no ta Aruba so ta hacie , pero na mayoria pais cu tin e mes un problema cu tin na e momentonan aki.

Ex prome Minister Nelson Oduber ta kere cu loke ta wordo haci na e momentonan aki ta lo corecto pa yuda mas tanto cu ta posibel. Tambe gremionan na Aruba mester asumi responsabilidad y stop di tira para dies paso tin un gobierno cu porta bo no ta gusta e hendenan. Mi a keda asombra cu loke ATIA a bin cu ne y mi a expect cu nan lo a bin cu un pensamento con hunto nos por yuda gobierno pa sali afo for di e problema grandi cu nos tin nos dilanti. Aruba tin hopi mas problema cu ta solamente e COVID 19 , ta ricibi critica for di gremionan pero ningun no ta papia di un posibel solucion.

Related posts

Nos reinanan infantil y hubenil a gosa di nan parada

EA News Author

Presupuesto di Aruba, Corsou y Sint Maarten no mester ta balansa den 2022

EA News Author

Awe a drenta na nos mesa di redaccion e tristo noticia cu ruman muhe di Vanessa Tjon-kock a fayece

EA News Author

Leave a Comment

Whatsapp Message