Na mesa di redaccion a yega testimonio di un famia profundamente afectá dor di e incidente fatal cu a sosode recientemente na Pos Abao, unda un pashent di Respaldo a perde su bida tras un intervencion cu a involucra FACT Team y polis. Segun e famia, e suceso tin “otro banda di medaya” cu, na nan opinion, mester wordo conoci y investiga mas profundo.
Stecey Sevinger, familiar di e fayecido F.H. (Franklin Henriquez), a comparti cu nos e version di e famia riba e evento. Segun nan relato, dia 27 di januari 2026 Franklin a wordo permiti pa bay cas despues di un contacto cu Respaldo, y a bin cas contento pa pasa tempo cu su mama. Mas atardi, Respaldo a retorna na su cas pa indica cu un eror administrativo a wordo cometi y cu e no mester a wordo laga sali sin firma di un dokter.
E famia ta relata cu Franklin tin temor pa polis y cu esaki tabata conoci pa su mama y un subrina cu tabata presente na e momento. Segun e famia, a wordo pidi pa polis laga e situacion calma y duna tempo pa maneho di forma pacifico. Sinembargo, e situacion a escala, y Franklin a wordo tira fatalmente despues cu polis a uza arma di reglamentario.
E famia ta afirma cu Franklin tabata un persona pacifico, alegre y hopi keri den su circulo familiar, cu tabata gusta canta y comunica via social Media . Nan ta expresa nan tristesa y rabia, y ta pidi transparencia y un investigacion completo y independiente riba e caso.
Autoridadnan a confirma previamente cu e incidente ta bao di investigacion pa Landsrecherche, considerando cu un funcionario policial ta involucra. Te awor no tin conclusion oficial publica riba e uzo di arma reglamentario ni riba e maneho di e situacion.
E famia ta indica cu nan ta pone nan confianza den Dios y ta spera cu e berdad completo di e sucedido lo sali cla.
Ademas di e caso specifico aki tin hopi preocupacion den comunidad riba e estado general di Cuerpo Policial Aruba, pregunta pa mas claridad riba maneho, direccion, responsabilidad y control interno den e organisacion, como e rol di supervision politico y parlamentario.
Mirando e ecenario aki con nos por mira KPA den su totalidad ? problema cu situacion di trafico, ley nan no ta na ordo, control riba caya ora papia e ora ta core haci diferente control nan pura pura , no tin suficiente polis y ainda no a busca un solucion, tin un maneho real den KPA? , Kico ta e plan di KPA ? su direccion ? ken ta responsabel pa e maneho real den KPA?, banda di parti bervordering cu tambe tin luz cora cu tin varios rumor nan cu tin varios no a cana e caminda corecto ken ta responsabel ? kico mas a wordo haci realmente pa KPA? tin un maneho estrecho y corecto pa yuda y cuida comunidad? Minister ta finalmente responsabel , pero ken mester traha maneho pa e minister aproba? Ta minister su trabou esaki ? of di maneho interno di KPA y Korpschef ? ken mester mustra minister e direccion ? esaki ta e rumbo cu kier hiba KPA ? e maneho a wordo haci ? ken mester hacie? Team di maneho di KPA ta funciona realmente ? of ta dies un Kliek ? cabes di KPA tur e aña nan sinta a funciona ? kico ta su trabounan eherce durante tur e aña nan ? Tin 1 parlamentario den parlamento cu a echt mira y sa kico ta pasando y haci pregunta na drechi ? Unda nos ta bayendo como Aruba ? Aruba realmente ta sigur ? of ta dies di boca pafo y den practica ta diferente ?
