Cu sosten di sector priva, iniciativa di Stichting HUNTO pa trata adictonan ambulante riba caya ta gana impulso. E esfuerso aki ta un indicacion cu comercio y sector priva ta interesa pa haya solucion pa reduci presencia di adictonan ambulante den area publico.
Minister di Husticia, Arthur Dowers, a remarca cu e proyecto di Stichting HUNTO lo duna un contribucion significativo den tratamento di adictonan y maneho di adiccion den areanan publico.
Gobierno lo duna su apoyo pa permiti Stichting HUNTO por ehecuta su programa riba caya de manera legal y sigura.
E trailer mobil di Stichting HUNTO ta awor na su posesion, y cu e permiso di gobierno no lo ta un problema pa wordo otorga, e fundacion por mobilisa e trailer y cominsa un acercamento mas directo cu e adictonan. E meta ta duna nan speransa y guia pa sali for di e ciclo di adiccion y logra un bida mas stabiel.
