Sèmper na final di aña nos ta tuma tempu pa reflehá riba logro òf metanan
alkansá. 2020 tabata un aña ku hopi desafio. Hopi ta esnan ku a
eksperensiá momentunan difísil pa motibu di malesa, desempleo, pèrdida
di un ser kerí òf debí na e situashon aktual pa motibu di Covid-19.
Water –en Energie Bedrijf Bonaire N.V (WEB) a lansa un proyekto pa duna
bèk na e pueblo Boneriano i hasi 50 famia kontentu ku un pakete di Pasku.
E proyekto aki a karga e nòmber: “It’s Christmas in the heart that put’s
Christmas in the air”. Temporada di Pasku ta un bunita i dushi temporada
pa kompartí algu di nos kurason ku komunidat.
Koleganan di WEB mes a prepará tur e paketenan i repartí esakinan dia 17
di dezèmber último.
WEB N.V. ta deseá pueblo di Boneiru un felis kambio di aña i ku 2021 lo ta
un aña yená ku positivismo, fe i speransa ku tur kos lo normalisá.
