Dos Komandante nobo pa ARUMIL i CURMIL a keda instalá ofisialmente durante seremonianan di kambio di mando na Aruba i Kòrsou. Mayor Glenn Werleman a wòrdu nombrá komo Komandante di e unidat Arubano (ARUMIL), i mayor Ryan Cabenda komo komandante di e unidat Curasoleño (CURMIL). E nombramentunan aki ta marka un paso signifikante den e profeshonalisashon kontínuo di ambos unidat.
Ambos Komandante ta trese eksperensia militar ámplio i ta poseé konosementu profundo di e region. Mayor Werleman ta asosiá ku ARUMIL ya for di 1997. Durante su karera, el a okupá vários posishon den seno di ARUMIL, Wardakosta, i Kuerpo di Marina. Te ku resientemente, el a fungi como adjudant di Gobernador di Kòrsou. Mayor Cabenda a kuminsá su karera na 2004 ku CURMIL (e tempu ei konosí komo ANTMIL). El a konstruí ámplio experensia ku Wardakosta i a fungi komo adjudant di Gobernador di Kòrsou, for di 2011 pa 2015.
Kontinuidat i profeshonalisashon
E traspaso di mando ta tuma lugá na un momentu krusial. Ambos unidat ta den desaroyo signifikante aktualmente. E enfoke aki ta, halsa e normanan operashonal i sigui profeshonalisá e personal militar. Ku e yegada di e ofisialnan eksperensiá e fundeshi ta keda poné pa un futuro fuerte.
Tokante e unidatnan
E Militarnan Arubano (ARUMIL) i e Militarnan Curasoleño (CURMIL) ta unidatnan di infanteria liviano operashonal. Nan ta operá bou di mando di Komandante di Forsanan Naval Hulandes den Caribe (CZMCARIB). Ounke e unidat nan ta ambtenarnan empleá pa e paisnan di Aruba y Korsou, nan ta wòrdu kontratá riba término na CZMCARIB pa kontribuí na e siguridat regional.
Ambos unidat ta kompletamente desplegabel pa e tres tareanan prinsipal di Forsanan Armá den Region Caribe, variando di seguridat regional te na sosten durante insidentenan lokal.
