madura riba nos isla. E no ta trata di un kwihi so, sino di matanan general cu tronconan diki y fuerte,matanan cu a para firme pa decadanan, prome cu tur e desaroyo di edificionan cu tin rond di dje a keda lanta. Pa corta un mata di e magnitud aki sin ningun consideracion ta un berguensa y un falta di respet tremendo pa nos medio ambiente y pa nos futuro.
Mientrastanto cu nos ta papia di conserva, cuida y traha ley pa proteha nos naturalesa, nos mes ta esnan cu ta destrui nos propio herencia.
Gobierno di Aruba ta hiba un maneho di naturalesa cu dos cara. Di un banda ta papia di conservacion, pero e pregunta clave ta keda bashi: Unda e controlnan ta? Pa kico nos ta traha ley di proteccion si na final e echonan ta totalmente diferente?
Apesar di tin leynan y reglanan di proteccion, nos por mira cu matanan grandi cu ta forma parti vital di nos paisahe ta wordo destrui, corta y mata sin piedad. E falta di aplicacion estricto di ley ta laga un porta abierto pa destruccion sistematico di nos flora.
Kico ta bay robes den nos mente?
E problema principal ta sinta den nos mentalidad como ciudadano Arubano. Tin un descarga entre locual nos ta predica y loke nos ta practica:
Papia di boca pafo: Hopi biaha nos ta hunga un papel publico unda nos ta duna impresion di ta preocupa pa nos medio ambiente.
Echonan contrario: Ora e momento yega pa demostra e compromiso ey na practica, interesnan comercial of falta di baloracion ta gana tereno, y e matanan ta keda sacrifica sin remordimento.
Esaki ta e inicio di mata nos mes un venenan. Te ainda nos no ta consciente dicon poco poco mundo ta bira cayente? Te ainda nos no ta compronde cu un mata grandi no ta djis un pida palo, sino un escudo protector pa nos como ser humano?
E Importancia Vital di Matanan Grandi y Tronconan Diki
E matanan grandi cu tronconan diki ta hunga un papel incomparabel den nos ecosistema cu matanan chikito no por reemplasa di un dia pa otro:
1. Escudo contra Calor Extremo: Matanan grandi cu cubri amplio ta duna sombra profundo y ta yuda baha e temperatura di e zona rond di dje. Den un clima cayente manera esun di Aruba, nan ta actua como climatisadonan natural contra e aumento di calor global riba nos isla.
2. E balor di tronconan diki y madura: Un mata cu un troncon diki y decadanan di bida ta representa añanan di resistencia contra biento fuerte, secura ysalpeter. Nan ta stabilisa e tera y ta sirbi como pilarnan di biodiversidad, dunando refugio na un cantidad di parha y fauna local.
3. Identidad y Memoria Historico: Matanan cu ta existi pa hopi decada ta conta e historia di nos pais. Ora nos corta un mata grandi, nos ta kita un pida di nos historia, nos Paisahe, y e alma di nos barionan.
Corta matanan grandi y madurá ta un acto di miopia colectivo. Ta ora pa nos stop di papia so y cuminsa actua. Si nos sigui permiti e destruccion aki, nos no ta destruyendo solamente naturalesa, sino e mesun fundeshi cu ta mantene nos bibu, fresco y protehi riba nos propio isla.
