Miembro di Parlamento David Seferina(MFK) ta duna di conoce cu ta na su lugá pa felisitá i gradisí esnan ku ta den e kadena hudisial ku tur dia di nobo ta hasi nan esfuerso pa yuda kombatí kriminalidat i yega na un Kòrsou den kual kada siudadano ta sinti nan mes mas sigur ku ta posibel.
E parlamentario ke gradisí miembronan di kuerpo polisial ku den e pandemia ku nos ta bibando aden a sòru pa sirbi i protehá tur siudadano pa evitá ku e virùs aki ta sigui plama den nos komunidat.
Komo parlamentario di frakshon Movementu Futuro Korsou (MFK) i ku a forma parti di e organisashon polisial, mi ke felisitá kuerpo polisial Kòrsou den su totalidat i yama danki pa boso esfuerso, dedikashon i ánimo pa sirbi i protehá nos.
