PoliticaFeatured

Minister di Cultura ta felicita Fundacion Herencia Historico di Aruba cu e documentario ‘Casnan di Torto na Aruba’

Estreno Casnan Di Torto Na Aruba 09

‘Casnan di Torto na Aruba’ ta e documentario di Fundacion Herencia Historico di Aruba cu a keda presenta diahuebs mainta na The Movies na Gloria. E documentario ta mustra con prome cu refineria Lago y Arend, tabata traha cas na Aruba. Un bunita documentario cu ta corda nos riba e creatividad, e forza y e resiliencia di e Pueblo di Aruba.

Aruba a conoce pobresa grandi prome cu e refineria a establece su mes na nos Pais. Asina mes nos Pueblo a usa su creatividad pa hunto cu naturalesa traha nan cas. Den e construccion tabata usa material di naturalesa, manera klei, awa, yerba seco pa traha e torto, y palo di mata y cadushi pa e structura di e cas. Tabata tene debido cuenta tambe na ki momento ta corta mata pa haya e palonan y tabata situa e cas conforme e pasada di aire y posicion di solo.

E trahamento di cas di torto tabata un trabou duro pa cual famia, bisiña y amigo tabata bin hunto pa forma e union cu ta crea e forsa necesario pa traha e cas. Di e manera aki di hopi tempran nos Pueblo tabata practica e union cu ta necesario pa logra bienestar y pa surpasa e retonan cu bida riba un isla chikito ta trece cune. 

 Minister Maduro di Cultura ta gradici sra. Lucia Kelly, sra. Glenda Giel, sra. Olinda Rasmijn di Fundacion Herencia Historico di Aruba y tur otro persona y instancia cu a yuda pa realisa e bunita documentario aki. Masha danki pa documenta un parti di nos herencia cultural y haci esaki accesibel na publico.

Estreno Casnan Di Torto Na Aruba 11Estreno Casnan Di Torto Na Aruba 10Estreno Casnan Di Torto Na Aruba 08Estreno Casnan Di Torto Na Aruba 07Estreno Casnan Di Torto Na Aruba 06Estreno Casnan Di Torto Na Aruba 05Estreno Casnan Di Torto Na Aruba 04Estreno Casnan Di Torto Na Aruba 03

Related posts

Minister Maduro na ocasion di Dia di Hende Muhe 2022: Aruba ta wordo midi na e manera cu nos ta trata hende muhe den posicion di liderazgo na nos Pais

EA News Author

CBPPlat/SV Britannia cu éxitos soccer camp cu Johnson University USA

EA News Author

Relato Anual 2021: Commissie Versterking Democratisch bestel ta yuda fortifica nos institutonan halto di Estado

EA News Author

Leave a Comment

Whatsapp Message