CuracaoFeatured

Minister di Enseñansa Siensia Kultura i Deporte (ESKD) Señor Steven Croes a bishitá Bándabou komo parti di su trayekto di sera konosí ku su área di trabou

129954840 2690563517863513 8808755592232772936 O
Djadumingu mainta Minister di Enseñansa Siensia Kultura i Deporte (ESKD) Señor Steven Croes a bishitá Bándabou komo parti di su trayekto di sera konosí ku su área di trabou, manera ántes tabata tradishon.
Minister Croes a kuminsá e mainta ku un bishita na fèlt di Lagun i fèlt “Aishel Hooi” na Rio Magdalena, kaminda representantenan di ámbos fèlt a duna informashon di estado di e féltnan. Despues Minister Croes a bishitá fèlt di Barber. Aki direktiva kompleto a risibí minister i a inform’é tokante desaroyonan di e fèlt.
Minister a kontinuá e mainta ku un bishita na baluartenan di nos pueblo manera Serapio Pinedo, Señor Rudi Rooi i Señora Lidia van Uytrecht miho konosí komo Shon Tool. Señor Serapio ta un konosido tokadó di Ka’i Orgel, Señor Rudi Rooi un gran baluarte ku a hasi hopi pa kultura di Kòrsou espesialmente na Banda Abou. Shon Tool ta un gran organisadó di fiestanan kultural bailabel.
Minister a finalisá e mainta ku un bishita na Marshe di Barber, kaminda el topa ku otro baluarte señora Vera Djaoen ku a destaká den deporte i ku a duna Minister un rekorido den e marshe.
Un mainta fruktífero ku no solamente a duna minister Croes un bon bista riba un área spesífiko di su trabou pero ku alabes dirigentenan i baluartenan di nos pueblo a konosé Minister Croes di aserka loke ta krea un base di konfiansa pa huntu atendé desaroyo di e áreanan aki di su kartera di un manera harmonioso i efikas
129264070 2690563494530182 3645461152934440941 O129523701 2690563467863518 6721790129013601815 O129954840 2690563517863513 8808755592232772936 O.

Related posts

No ta permiti pa pega nada politico of no politico riba borchinan di trafico

EA News Author

Minister di Enseñansa, Siensia, Kultura i Deporte (ESKD) Sr. Steven Croes a hasi apertura di e temporada di atletismo na Sentro Deportivo Kòrsou

EA News Author

Aruba Bank a patrocina uniform di futbol pa 297 Soccer Academy

EA News Author

Leave a Comment

Whatsapp Message