LocalFeatured

Minister Endy Croes: Pronto pueblo lo mira un gran desaroyo den e infrastructura di futbol di Aruba

Minister Endy Croes

Recientemente, Minister Endy Croes a reuni cu Presidente di Arubaanse Voetbal Bond (AVB), Sr. Randolf Lacle y Secretario General di AVB, Sr. Hubert Solagnier. Durante e reunion a dialoga tocante un biahe reciente cu AVB a haci. AVB a caba di regresa di un congreso grandi di FIFA cu a tuma luga na Africa, unda cu presidente di FIFA a keda reeligi. Ademas, a remplasa FIFA Forward Programme 2.0. pa un version mas nobo. A aproba FIFA Forward Programme 3.0, unda ta bay sigui yuda den inversion di infrastructura deportivo di mas di 200 miembro di FIFA rond mundo. Manera ta conoci, durante hopi aña AVB tin fondo internacional di FIFA, pero pa motibo cu no ta cumpli cu cierto rekisito cu FIFA ta exigi, no a ricibi e fondonan aki ainda. Durante e congreso aki a yega na un acuerdo mas flexibel pa Aruba, cual dentro di algun luna nos lo bay experiencia. AVB hunto cu stakeholders y Gobierno di Aruba lo bay mira desaroyo hopi bunita den e infrastructura di e deporte di futbol na Aruba. Banda di esaki, FIFA ta contento cu Gobierno di Aruba a inverti den un stadion cu pronto lo keda cla y cu FIFA ta aproba. Finalmente, e aña aki AVB lo ricibi e fondo cu tabatin stanca durante hopi aña na FIFA, pues tambe nos lo mira hopi desaroyo den e infrastructura di futbol di Aruba den aña 2023 di e fondo aki.

Pronto Pueblo Lo Mira Un Gran Desaroyo Den E Infrastructura Di Futbol Di ArubaPronto Pueblo Lo Mira Un Gran Desaroyo Den E Infrastructura Di Futbol Di Aruba 1

Related posts

A graba final di e programa ‘Het Perfecte Plaatje’ di RTL4 na Boneiru

EA News Author

Wardakosta ta asistí dos turista heridá riba seru di Kristòfel

EA News Author

RAft manera cu e ta awo ta mina autoridad di parlamento

EA News Author

Leave a Comment

Whatsapp Message