PoliticaFeaturedLocal

Minister Maduro di Finansa ta informa: Gobierno ta trahando pa introduci un maneho di participacion y dividendo pa entidadnan publico

Photo Minfic

Dia 13 di november 2020 Gobierno a yega na acuerdo cu Hulanda riba e reformanan cu ta necesario pa haci Aruba mas fuerte y resiliente. E acuerdo a keda hinca den e documento yama ‘Landspakket.’ Dia 4 di april 2023 a acorda den un ‘Onderlinge Regeling’ e base huridico di e manera cu Hulanda y Aruba lo traha cu otro pa realisa e reformanan indica den e Landspakket. 

Den cuadro di e trabounan necesario pa cumpli cu e Landspakket tema B.2, Gobierno di Aruba a laga e compania Price Waterhouse Coopers PWC haci un sondeo riba 6 entidad publico pa evalua nan estado financiero. For di e sondeo a sali na cla cu algun ententidad publico no tin un maneho di participacion y dividendo, of esaki no ta efectivo. Pa e motibo aki PWC a conseha Gobierno pa formula y implementa un maneho pa atende adecuadamente cu e participacion di Gobierno como unico accionista di e companianan estatal, y tambe pa formula un maneho efectivo pa locual ta trata e pago di dividendo cu Gobierno como unico accionista tin derecho riba dje.

Recientemente Minister di Finansa a informa tur compania estatal di e intencion pa formula y implementa un maneho participacion y dividendo pa tur compania estatal. A cuminsa caba cu e proceso di destaho pa asina yega na e compania cu lo prepara y guia e implementacion di e maneho di participacion y dividendo na tur compania estatal di Gobierno. E maneho aki ta necesario pa asina contribui na e meta formula den Landspakket pa locual ta gasto y efectividad di e sector publico na Aruba.

Related posts

$200 mion bergonsosamente redusí na limosna di $5 mion no ta reparashon

EA News Author

For di aña 1982 e meta di Lotto ta pa crea fondo pa deporte di Aruba

EA News Author

Minister di Husticia Rocco Tjon : A señala puntonan cu no a cana manera debe ser na Imeldahof

EA News Author

Leave a Comment

Whatsapp Message