Diaranson marduga, dos turista aleman a aparece sunu den cayanan di Copacabana ora cu e malhechornan a horta nan pertenencia. Na Rio de Janeiro, e dos victimanan tabata na beach di Copacabana ora delincuentenan a asalta nan arma cu cuchiu.
E stranheronan a conta cu nan a wordo asalta na Avenida Atlántica cu ta e avenida cu ta core full largura di e beach mundialmente conoci y nan a horta tur nan pertenencia. Aparte di hortanan cartera, e ladronnan a pone e turistanan kita nan paña y a laga nan sunu riba e beach.
Despues di e robo, e turistanan a purba di regresa na e hotel caminda nan tabata hospeda, pero empleadonan di e Secretaria di Orden Públiko (Seop) a enfrentá nan. Segun Seop, un ekipo di e Coordinador di Akshonnan Integrá (Cati) a haña e victimanan ariba caminda y nan tabata cana sin paña den e caya Rua Santa Clara.
Despues di e rescate di e turistanan, e agentenan a cuminsa busca den e area. Poko despues a logra haya e delincuentenan bibando bon y dushi, gastando na grandi cu e carchi di banco di e victimanan, nan celular y nan pañanan. Un di e ladronnan a purba di huy ora polisnan a enfrente, pero el a wordo captura.
Segun Seop, e ladronnan tabata haciendo compra cu e credit card di e victimanan na un botica na Avenida Nossa Senhora de Copacabana.