A manda pidi un Openbare Vergadering (OV) pa discuti e tema di HOFA, pero fraccion di AVP y FUTURO a manda carta formal indicando cu nan no lo duna quorum pa e reunion, y cu nan kier warda te ora e Raad van State entrega su conseho oficial.
Esaki ta nifica cu, si presidente di Parlamento yama e OV, e reunion no lo por sigui paso ni fraccion di AVP ni fraccion di FUTURO lo ta presenta. Den practica, esaki ta pone un stop riba e peticion pa discuti e tema di inmediato.
Pa hopi ciudadano y observador politico, esaki ta crea preocupacion riba transparencia y disponibilidad pa debate publico riba un tema cu ta considera di gran importancia nacional.
E posicion di e fraccionnan:
Nan a indica cu nan prefera warda te ora e conseho huridico di Raad van State ta cla prome cu sigui cu discusion formal den Parlamento. Segun nan argumento, esaki ta parti di un proceso legal y ordena.
Critica di oposicion y sector publico:
Criticonan ta describi e decision como un acto di bloqueo politico, señalando cu e falta di quorum ta impedi un debate inmediato riba e tema di HOFA.
Den medio di e situacion aki, e discusion central ta bira:
Mester Parlamento MESTER warda conseho oficial prome cu debati?, of mester e debate cuminsa mes ora cu tin preocupacionnan den comunidad?
Debate riba HOFA ta sigui genera reaccion fuerte den sociedad, y e decision di no duna quorum ta agrega mas tension den e discusion politico actual. Ciudadanonan firmante, sindicatonan , e pueblo di Aruba a papia bon cla “ NO na Rijkswet HOFA.