E ceremonia anual di reconocemento na Universidad di Aruba (UA) a premia e studiantenan mas sobresaliente, poniendo luz riba nan excelente investigacionnan y nan conexion fuerte cu e comunidad local. E reconocimentonan presenta den un asociacion cu companianan prominente, ta mustra e calidad halto di trabou academico cu ta wordo haci y e balor inmediato cu e ta trece pa negoshi di Aruba y e panaroma social.
Universidad cu orguyo ta enfatisa e modelo cooperativo: cada studiante premia ta wordo selecta pa su facultad, hunto cu e compania cu ta sponsor. E asociacion unico aki ta sigura cu e investigacion aki no ta solamente rigoroso academicamente pero cu e ta directamente relevante pa e necesidadnan di e comunidad empresarial, ofreciendo un integracion impecabel di talento local halto den forsa laboral.
Celebrando Logro y Enfoke riba Comunidad
E ceremonia ta pone spotlight riba e studiantenan cu a atende cu e problemanan mas crucial riba varios tereno:
FHTMS (Hospitality and Tourism): Laurenne Croes a wordo honra pa su estudio oportuno, “Between Taboos and Trust: Factors Associated with Parental Willingness to Support Sex Education in Schools in Aruba.” Su supervisor, Dr. Rosabelle Illis, a remarca cu e trabou di Laurenne a bay mas leu cu topiconan tipico di turismo, stimulando compromiso publico significante y combersacion riba un problema social esencial. Laurenne cu a completa su pasantia na Cas Bon Development Group y cu ta traha awo ey como Asistente Ehecutivo, a wordo gesponsor orguyosamente door di Aruba Tourist Authority. Celebrating Achievement and Community Focus
The ceremony put a spotlight on students whose theses tackled crucial issues across various fields:
FHTMS (Hospitality and Tourism): Laurenne Croes a wordo honra pa su estudio oportuno, “Between Taboos and Trust: Factors Associated with Parental Willingness to Support Sex Education in Schools in Aruba.” Su supervisor, Dr. Rosabelle Illis, a remarca cu e trabou di Laurenne a bay mas leu cu topiconan tipico di turismo, stimulando compromiso publico significante y combersacion riba un problema social esencial. Laurenne cu a completa su pasantia na Cas Bon Development Group y cu ta traha awo ey como Asistente Ehecutivo, a wordo gesponsor orguyosamente door di Aruba Tourism Authority.
FEF (Finance and Economics): E premio ta reconoce e dedicacion y trabou meticuloso di K.D., cu su tesis, “A Process Analysis of Accounts Receivable at the Aruba Chamber of Commerce and Industry,” cu a ofrece solucion practico pa mehora operacion. Su supervisor a destaca K.D. su naturalesa respetuoso y e preguntanan profundo cu e ta haci. Ernst & Young and Pelican Adventures a sostene e premio aki generosamente.
SWD (Social Work & Development): Rose-Anne Winklaar a ricibi e premio pa su investigacion riba “Knowledge, Attitudes, and Perceptions of Parents Regarding Child Risk Factors for Children Aged 0-5 at Carnival Events in Aruba.” Un mama dedica y un siñado pa bida, Ross-Anne su compromiso cu husticia social y su biahe profesional continuo na Departamento di Integracion y Maneho di Stranhero a encarna e espirito di e programa di SWD. Su logra a wordo gesponsor door di Setar. Universidad di Aruba ta sumamente orguyoso di menciona cu Rose-Anne Winklaar su reconocemento a bay mas leu cu e premio cu el a ricibi e nochi aki. Su tesis a a wordo acepta pa publicion den e revista, Caribbean Languages and Culture Volumes, edita door di Dr. Nick Faraclas. UA ta felicita Rose-Ann Winklaar di curason cu e logro grandi aki. Ta duna UA mas motibo pa elogia y celebra nos strudiantenan, ora mira cu apenas nan a gradua y ya nan tin publicacion den un revista internacional di e nivel aki.
OGM (Organization, Governance & Management): Gillmar Werleman a wordo reconoci pa su estudio critico, “Understanding the barriers and simulators for youth participation: a qualitative case study in the Parlamento Hubenil Aruba.” Gilmar a wordo elogia pa su acercamento energetico, su pensamento critico, y su curiosidad fuerte. Setar y RBC a sponsor su premio.
FDR MA (Law): Jose Henriques Reyes a wordo honra pa su tesis compleho, y bon structura riba e revision huridico di detencion di strahero, “Het toetsen van vreemdelingenbewaring.” E comite di evaluacion a destaca su utilidad directo y su relevancia pa e practica huridico di Aruba. Orde van Advocaten van Aruba orguyosamente a sostene e premio aki.
SISSTEM MA (Science, Technology & Engineering): Tony Sevold a ricibi e premio pa su tesis, “Island Scale Observation of Coastal Ecosystems: Equitable Scientific Instruments for Monitoring Mangroves in Aruba.” Anthony su trabou a resalta como un acercamento innovado di monitoriamento di medio ambiente di poco gasto, promoviendo sostenibilidad y cooperacion di comunidad. Setar a sponsor su premio.
SISSTEM BA: Joel Rajnherc a trata e problema di desigualdad di idioma den tecnologia den su tesis, “Speech-to-Text Model for keyword spotting applications in the Papiamento language within a healthcare environment.” Creando un cuadro di trabou funcional pa por incorpora Papiamento den e aplicacionnan di IA, Joel a impulsa preservacion cultural y acceso igual den cuido medico. E trabou importante aki a wordo gesponsor door di Amsterdam Manor.
Un reconocimento pa mentorado
Universidad a extende tambe un sincero gradecimento na tur supervisor di tesis, kende cu nan trabou excepcional di mentoria tabata fundamental pa guia e studiantenan na e nivelnan di exito academico halto aki.
E premionan aki ta un recordatorio poderoso cu inverti den educacion local y forma aliansa solido cu industria ta e yabi pa construi un futuro vibrante y innovado pa Aruba.
Gradicimento
Den nomber di henter e comunidad di Universidad di Aruba, nos ta extende nos mas sincero gradicimento pa boso apoyo y compromiso invaluable cu e premionan anual di Tesis di Studente. Boso asociacion ta e fundeshi di e reconocemento aki, y e ta encarna e laso fuerte entre nos programanan academico y e exito di e comunidad empresarial di Aruba.
E celebracion riba su mes tabata un anochi berdaderamente memorabel. E evento a cuminsa cu un bon bini caluroso y conmovedor di parti di nos Rector Sue-Ann Lee, sigui pa un discurso alentador y poderoso na nos ex-alumnonan di parti di e Presidente di Hunta di Comisario. E invitadonan a disfruta di dushi snack na encargo di Stichting Trampoline mientras cu e zonidonan cultural di musica local di steelpan di Sound of Steel a percura pa un ambiente vibrante. Nos tabata contento di por a gradici y reconoce personalmente tur nos partnernan generoso durante e programa.
Gradicimento
E aña aki, boso representantenan di e comunidad empresarial – Setar, Aruba Tourism Authority, Ernst & Young, Pelican Adventures, RBC, Orde van Advocaten van Aruba, y
Amsterdam Manor—a hunga un rol crucial den evalua y celebra e trabou sobresaliente di nos graduadonan.
Nos ta inmensamente orguyoso di e hecho cu boso companianan ta sigui inverti directamente den nos talentonan local. Door di sostene e premionan aki, boso no solamente ta reconose logro academico excepcional pero boso ta yuda tambe pa integra nos miho y mas ainda nos studiantenan sobresaliente directamente den e forsa laboral profesional.
Universidad di Aruba ta gradici Sra. Clemente Eugene cu durante e anochi aki a deleita tur studiante y invitado presente cu un bunita poema na nomber di The Inquiry.
Press release: Univeridad di Aruba
