Featured Local Politica

Parlamentario Endy Croes: Raad van Advies a confirma cu AVP a hisa gastonan di personal cu 81.3 miyon florin anto awe kier culpa un gobierno decente


Parlamentario Endy Croes a keda sorprendi momento cu e “burdugonan” di AVP kier culpa e gobierno actual alrespecto gastonan di personal. Ta un secreto publico cu Mike Eman su gabinetenan 1 y 2 a desgracia e pida baranca aki riba tur tereno. Tanto finansas publico, social, enseñansa, husticia y asina por sigui menciona con tur a keda na werki. Pa lokual ta trata finansas publico AVP a werkia esaki di tal forma aumentando e gastonan personal cu 81.3 miyon den 8 aña. Berdad no tabata importa Mike Eman un bledo con el a maneha e pais aki. Pa refresca nos propio memoria nos no mester lubida con Mike Eman a manda EMCO falliet no un ni dos pero 3 biaha. Tambe no por lubida con Mike Eman a manda ATV “Canal 15” bancarota y te cu awe debe un montante enorme na huur atrasa. Na mesun manera a maneha nos pais  y e resultado no tabata diferente.Debe Nacional a aumenta di 43% ( october 2009) pa 93% ( November 2017) bou maneho di Mike Eman.

Raad van Advies di 9 di Januari 2020 a papia kla:

Den un conseho di Raad van Advies data 9 di Januari 2020 riba pagina 15 por tuma nota  hopi kla con Raad van Advies a splika cu e gobierno anterior a aumenta gastonan di personal cu 81.3 miyon. Alaves Raad a pone su nota “ De Raad wijst in dit kader nogmaals op de noodzaak om efficientere maatregelen te treffen om tot een kostenefficienter overheidsapparaat te komen.” Na 2013 durante aña di elecion AVP a kibra e record!  AVP a duna tur hende contract pa por gana nan votos engañando e hendenan aki unda personeelskosten a alkansa 501.1 miyon florin.  Alaves den un onderzoeksrapport di Algemene Rekenkamer di aña 2017 riba pagina 15-17 tambe a refuta e hayazgo aki. Na 2009 gastonan personal tabata 392.8 miyon y na 2017 Mike Eman a entrega esaki na un balor di 474.1 miyon. Esaki ta un aumento di 81.3 miyon florin cu e  gobierno actual a hereda. Ora agrega Onderwijs ( 122 miyon), Hoge Colleges van Staat ( 8 miyon), gesubsidieerde instellingen nos ta alkansa 622 miyon na personeel bekostigd door het Land. Esaki ta otro desaster di Mike Eman y AVP.  Tipo di maneho asina tin nos awe unda nos ta. Parlamentario Endy Croes ta reta politiconan di AVP cu kier bruha tera awe bay lesa rapportnan akiriba menciona y asina siña conose y acepta e desaster causa pa boso propio x gobernantenan di AVP anto cu boso sosten. Dieptriest!

Manipulacion di AVP ten Top!

“Kroonprins” di AVP Richard Arends ta entreotro un di esnan cu kier manipula cu gastonan operacional y personal. Algun gastonan adicional cu ta prohibi pa lubida. Horizon Consultancy di Richard Arends a cobra 4 miyon serca Mike Eman. Tera Group y Paxi di Speed y Patrick Paskel a cobra 7 miyon serca Mike Eman pa propaganda su gobierno entreotro subimento di palo di Luz, coremento riba truck di Serlimar pa nombra algun di Mike Eman su lokuranan.  Abogado Sjiemfat a cobra 5.3 miyon serca Mike Eman pa tur sorto di conseho. Robert Candelaria a haña 4 ticket di Corsow pa Aruba paga pa Land Aruba pa bin negosha su number riba lista serca Mike Eman. Esaki ta e abusonan grandi cu tabata wordo cometi cu plaka di pueblo. Tur ta friends di Mike Eman pero di esaki ningun Parlamentario di AVP ta papia. Prohibi pa lubida!

Related posts

Premier evelyn wever-croes ta gradici comunidad di aruba pa sostene nos comerciantenan local

EA News Author

Apartament patras di cas den rancho straat na candela

EA News Author

Maneho nobo por keda evalua mirando e situacion cu e pandemia ta cana

EA News Author

Leave a Comment