Local

Pastor Marcel Balootje: Kico lo pasa, ora hende legalisa, locual Dios a prohibi?


No tin nada di sconde, cu tur hende tin pica y tur hende tin cos di drecha, esey ta berdad pero;

Hende por purba cambia su nomber, y pinta cos bunita, pa asina legalisa maldad, pero e asunto di matrimonio di mesun sexo no tin otro nomber cu Sodomia.

Esey ta nifica e relacion sexual anal cu ta tuma lugar entre dos homber , un relacion cu Dios ta mira como abominacion.

Pasobra ta boluntad di Dios pa cada homber tin su muher.

Rond mundo nan ta preocupa con Iglesia ta wak e asunto y pinta Iglesia como enemigo, como esnan vervelend y cu ta contra. 

Pero e enemigo mas grandi di e asunto aki, ta esun cu a crea cielo y tera y su nomber ta Dios Tata Todopoderoso. Dios ta odia e acto aki.

Locual cu Dios a haci cu Sodoma y Gommora ni e atoombom di Hirosjima y Nagasaki no por imita e situacion aki pasobra Dios su furia a wordo provoca, y e hendenan di Sodoma y Gommora tabata conoce Dios, nan tabata haci oracion,nan tabata ofrenda, mantene dianan di fiesta, toch Dios a bisa cu e lo sconde su cara pa nan pasobra nan tabata biba den pica y no kier a arepenti.( Lesa Isaias 1:10-13-17 con Dios a haci yamada na Gobernantenan y Pueblo).

Awor den e tempo cu nos ta bibando aki e sistema di mundo kier sodomisa mundo pa asina prepara e caminda pa e anticristo, cu nos tur por mira con e sistema aki ta moviendo caba, esey ta trata di kibra tur locual ta famia y respet y asina sostene inmoralidad.

Ta mesun spirito inmoral y sushi. impuro cu tabata move na Sodoma y Gomorra ta moviendo riba mundo, y awor e a bati na nos porta, poniendo un ley cu ta legalisa e pica ey, sabiendo cu maldad no ta obra pa bienestar di ningun hende, y ta habri porta pa mas maldad..

Wak bon kico ta tumando lugar, nos ta para dilanti di  algo cu ta hiba hende na candela di fierno, cu ta daña e ambiente familiar, cu ta pone Dios sconde su wowonan pa nos, pasobra enbes di obedece Dios , nos kier aproba abominacion.

Ta hopi hende a wordo engaña rond mundo, pa nan bay di acuerdo cu e bagamunderia aki y bira lomba pa Dios, pasobra tanto esnan cu ta comete e hecho aki, como esnan cu ta sostene e hecho aki a bira lomba pa Dios, pasobra nos no por practica fanaticada , ni politica cu pica, pasobra esey no ta agrada Dios.

Awor no solamente hende grandi kier sodomisa hende grandi, pero nan kier hinca e asunto den nos muchanan for di awor cu nan ta chikito, pa asina na grandi nan no tin berguensa di comete ningun abominacion.

Cada momento di dia, cada biaha cu nos corda riba e asunto aki , laga nos dobla nos rudia, mantene nos cadena di oracion, te na momento e nubia scur aki wordo kibra.

Awendia tur hende por Google, y tur hende por mira e nificacion di Sodoma y kico ta e pica di Sodomisa, y ora bo comprende e abominacion aki , si bo ta pertenece na e grupo aki, bo tin oportunidad di arepenti , y sali afo , pasobra e Sanger di Hesus tin poder di kibra tur acuerdo y pacto diabolico.

Nos ta para na randi di un caida spiritual, cu hopi hende emocionalmente, politicamente,y pa falta di temor di Dios,of amistad ,kier apoya pero nan no sa kico tin su tras.

Arepenti mientras cu tin oportunidad,( 1 Juan 1:9).

Related posts

Parlamentario Endy Croes: Fraccion di MEP cu peticion special Honra esnan cu pa cualkier motibo no a cumpli cu BBO nan FASE pa December

EA News Author

Parlamentario endy croes: Eagle lng y rda a firma un loe Den presencia di 2 consul di usa

EA News Author

Parlamentario Alan Howell San Nicolas stay calm, I got your back

EA News Author

Leave a Comment