Santa Rosa, Departamento di Agricultura, Cria y Pesca (DLVV) a cosecha simiya di leguminosa local, entre cuanan Watapana Shimaron, (Desmanthus virgatus), (mira foto).
Tin differente mata leguminosa na Aruba cu ta bon cuminda cu hopi proteína pa ruminantes, como cabrito, carne y baca. Leguminosas chiquito ta hopi resistente contra secura.
Otro ventaga ta cu leguminosas ta drecha tera positivamente, nan tin e habilidad di mara nitrogeno di aire pa medio di un bacteria cu ta penetra nan rais. Plus cu nan raisnan largo nan ta yuda ba stabilisa tera y preveni erosión.
E combinación di yerba cu leguminosas produci localmente ta un excelente alternativa pa cuminda di ruminantes y por yuda reduci importacion di hooi y concentrado, cu ta bira mas y mas caro.
DLVV Santa Rosa ta den proceso pa collecta simiya di 5 tipo di leguminosa chiquito di Aruba.
Nan ta bai replanta y multiplica e simiya den kwekerij.
Despues differente test practica lo wordo haci riba terreno di Santa Rosa pa determina y evalua e combinacionan optimal entre diferente tipo di yerba y leguminosas grandi y chiquito.
E establecimiento di un banco di proteína (protein bank) lo wordo finalisa den 2022 y 2023.
Lo bai concentra riba variedad y purba preveni un ‘mono cultuur’.
Momento cu nan ta disponible tur resultadonan positivo y systemanan di maneho (cosecha of pastoreo de rotación) lo wordo comparti cu cunuceros di Aruba.
Corda cu criadornan semper mester tene cuidao ora cu nan ta pasa nan cria di un tipo di cuminda pa otro; specificamente cu leguminosas cu por contene mimosine. Semper por pidi conseho na Santa Rosa.
Pa mas informacion interesadonan por informa cu DLVV por medio di number di telefoon 585-8102 of email na info@santarosa.aw.
E aña aki DLVV a informa criadonan di e intencion pa bolbe reduci e consumo di cuminda pa bestia concentra y hooi importa pa su cria.
Na Aruba hende ta yama e Chamaecrista nictitans tambe Watapana Shimaron y na Boneiro y Curaçao, segun van Proosdij 2012, e Acaciella glauca.
Na su lugar a inicia alimenta e cria cu yerba y leguminosa localmente produci.
Santa Rosa a desaroya plantacion di Purple King Grass inicia y den futuro den combinacion cu un banco di proteina produci local. Algo cu un tempo Departamento di Agricultura, Cria y Pesca tabata haci caba. Ta pa cria di bestia a introduci Cenchrus ciliaris, Pegasaya Shimaron y Leucaena leucocephala na Aruba. Matanan Leguminosa awendia nan famia atrobe yama Fabaceae, tin e habilidad di mara nitrogeno di aire por medio di un bacteria cu ta penetra nan rais. Na 2001 ainda e famia aki tabata separa den Caesalpiniaceae y Mimosaceae pero mas prome nan tabata yama Leguminoseae. E pasto ta abastece e cria cu suficiente energia y algo di proteina pero si principalmente hende kier produccion, esta mas carni y te hasta lechi, ta necesario pa ofrece e bestia tambe proteina. Esaki tabata e funccion di e concentra. Consequentemente na DLVV a cuminsa siña e criadonan con pa distingui e diferente Leguminosa. Asina a mustranan con e rais di e Leguminosa colonisa pa e bacteria ta mustra. Hopi criado a remarca corectamente cu tal rais tin nematodo cu ta un bichi microscopico cu tambe sa paratisa ariba e rais di mata. Sinembargo ing. Sr. Edward Berben a informanan cu si hende corta door di e borona ariba e rais di un Leguminosa, anto esaki ta roos paden ta un indicacion cu e bacteria cu ta mara nitrogeno ta presente. Si e ta otro color of ta un rais di un mata di un otro famia, anto e ora e ta muy probable un nematodo. Info Tin algun siman caba ta cosecha simiya di yerba ariba e tereno di Santa Rosa. A dicidi di bai pafor pasobra un otro colaborador a indica di a mira un cama di e Desmanthusnan. Ya caba ing. Sr. Edward Berben a indica na e colaborador aki cu e Leguminosanan ta gusta lugarnan unda awa ta para, no tin hopi sombra y hende a weed e vegetacion inicial. Asina a nota un cantidad di Desmanthus na oriya di e awa di dam. Riba e tereno di DLVV pero tambe unda ta iriga e pasto. Consecuentemente e colaborador aki a observa den su bario unda awacero sa para cu tin cierto Desmanthus na un duiker unda na inicio di e aña aki DOW a renoba y na banda di dje a coba e otro pa asina e awa por pasa abou. E yobida di dos luna atras a keda para eynan algun dia cu lo beneficia e Desmanthusnan. Awor cu a cosecha algun DLVV ta spera di por cosecha algun mas pasobra e banco mester di hopi Leguminosa cu ta crece ariba otro. E cama aki, (mira potret) a mustra DLVV cu e matanan por crece hopi pega ariba otro. Den e dianan aki DLVV lo tira un bista na oriya di rooi y damnan pa nan presencia y e boonchinan cosecha lo bai planta nan simiyanan. Lo evalua tambe con e cria lo digiri e Desmanthus pasobra nan ta famia di e mimosanan cu di algun ta conoci cu te un cierto cantidad di bestianan di cria por come sin problema. Ariba su mes criadonan semper mester tene cuidao ora cu nan ta duna nan cria di un tipo di cuminda pa un otro.
Pa mas informacion interesadonan por informa cu DLVV por medio di number di telefoon 585-8102 of email na info@santarosa.aw.
