Prome Minister Evelyn Wever-Croes ta na Nacionnan Uni, New York pa un bishita di trabou en conexion cu e debate general CSW 67, Commission on Status of Women. Un biaha mas, Prome Minister ta lidera e delegacion di Reino Hulandes. E tema di e aña aki ta “Innovation and technological change, and education in the digital age for achieving gender equality and the empowerment of all women and girls”. Prome Minister lo elabora riba e posicion di hende muhe na Aruba y den Reino, y lo comparti e vision, plannan y iniciativanan di Aruba. Tambe, durante su bishita, Prome Minister lo purba haya fondo y mas proyecto pa fortifica e posicion di hende muhe na Aruba, Corsou, Sint Maarten y Hulanda.
Prome minister di Aruba presente na debate general CSW 67, Commission on Status of Women na Nacionnan Uni
